Na Kastryčnickaj płoščy maładafrontaŭcy vykazali Uładzimiru Sałaŭjovu ŭ tvar svaje dumki pra jaho VIDEA
U Minsk pryjechaŭ Uładzimier Sałaŭjoŭ — viadomy rasijski prapahandyst. Ładzić svoj vystup Sałaŭjoŭ budzie ŭ vialikaj zali Pałaca Respubliki.
Anłajn tranślacyju možna hladzieć tut:
19:00
Akcyja skončyłasia, Daškievič padziakavaŭ udzielnikam i žurnalistam.
18:45
Sałaŭjoŭ źnik u Pałacy.
18:40
Na prystupkach źjaviŭsia sam Sałaŭjoŭ. Hladzić na pratestoŭcaŭ, paśmichajecca, kaža «Biednyja dzieci».
Kaža — ja pradstaŭnik ruskaha śvietu. Habrejskaha śvietu. Śvietu Šekśpira — bo ja lublu Šekśpira.
18:35
«Zaraz hetych niehatyŭščykaŭ buduć łavić!» — z zadavalnieńniem kažuć dźvie ciotački, što pryjšli na kancert.
Kažuć: «Nam Sałaŭjoŭ jak mužčyna padabajecca: 6 dziaciej, i viadučy, i knižki piša!»
Daškievič razdaje film na dyskach. Načalnik u cyvilnym adpraŭlaje da jaho dvuch cicharoŭ: kaža, nie čapać, ale ščylna pobač ź im znachodźciesia.
Pratestoŭcy kryčać: «Spačatku sajuz, potym anieksija!»
«Hramadzianie banderaŭcy, razychodźciesia», — kaža im chtości z hledačoŭ.
18:31
Raściažka «Sołov́jev-viešatiel, izydi» namalavanaja na płakatach ab vybarach u parłamient.
18:28
Mužčyny, što iduć na kancert, padychodziać, słuchajuć kryki «Pucin — heta vajna» i kažuć — «Sami vy vajna!»
18:25
Daškieviča akružyli, uziali ŭ koła čałaviek 10 u cyvilnym, toj vyrvaŭsia, paśla ŭpaŭ, načalnik «cicharoŭ» adahnaŭ ludziej, Daškieviču dali padniacca. Jon znoŭ chodzić pa płoščy.
18:20
Daškieviča sprabujuć zatrymać. Jon kryčyć «Pucin — heta vajna!»
18:15
«Cichary» i achoŭniki paprasili pratestoŭcaŭ syści z prystupak Pałaca Respubliki. Tyja spuścilisia, stali pierad budynkam. Čas ad času kryčać «Nie — infarmacyjnaj vajnie!», «Čamadan, vakzał, Rasija!»
18:10
Na prystupkach Pałaca Respubliki kala dziasiatka pratestoŭcaŭ, siarod ich Źmicier Daškievič, Maksim Viniarski, Nina Bahinskaja.
Pratestoŭcy skandujuć «Žyvie Biełaruś», «Rasija — heta vajna», «Iłžyvaj prapahandzie — nie», «Pucinu — nie». Daškievič razdaje dyski ź filmam «Who is Mr. Całaŭjoŭ».
***
Maładafrontaŭcy tym časam źbirajucca na akcyju pratestu. Jany źbirajucca vyjści da Pałaca Respubliki (pł. Kastryčnickaja) a 18-j hadzinie. «Malujcie płakaty, biarycie z saboju ściahi — i prychodźcie!» — adznačajecca ŭ supołcy ŭ fejsbuku.
Uładzimir Sałaŭjoŭ viadomy svajoj žurnalisckaj hnutkaściu, jakaja zaŭsiody supadaje z palityčnaj pazicyjaj Kramla. Raniej jon vystupaŭ z prajeŭrapiejskich pazicyj, a ciapier raskazvaje pra «fašysckuju chuntu» i raspalvaje varožaść da ŭkraincaŭ.
Ciapier čytajuć
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary