Čałaviek, jaki napaŭ na ŭniviersitet, apynuŭsia 18-hadovym studentam Univiersiteta Ahajo z Samali. Abduł Razak Ali Artan byŭ uciekačom z Samali, jaki pražyvaŭ u ZŠA na lehalnych padstavach. Palicyja nie vyklučaje, što napad byŭ teraktam.

AP
U paniadziełak a 10 ranicy pa miascovym časie Abduł Razak Ali Artan zajechaŭ na svaim aŭtamabili na tratuar kala budynka inžyniernaha fakulteta, źbiŭšy niekalkich minakoŭ. Paśla hetaha jon vyjšaŭ z mašyny i nakinuŭsia na ludziej z nažom, jaki śviedki apisvajuć jak «ciasak miaśnika».
Mienš čym praz chvilinu jaho zastreliŭ palicejski, jaki znachodziŭsia niepadalok na vykliku z nahody uciečki hazu.
U vyniku napadu paraniena 11 čałaviek, adzin ź ich znachodzicca ŭ krytyčnym stanie.
Kamientary