Dziejny prezident Hambii Jachja Džame prajhraŭ vybary, paviedamiŭ kiraŭnik vybarčaj kamisii krainy Alije Mamar Ndžyje. Jon abviaściŭ pieramohu na prezidenckich vybarach kandydata ad apazicyi Adamu Baroŭ, piša VVS.
Pavodle dadzienych kamisii, za Baroŭ prahałasavali 45,5% vybarščykaŭ, u toj čas jak kandydaturu Jachji Džame padtrymali kala 36,7% tych, chto pryjšoŭ na vybarčyja ŭčastki.
Jachja Džame, jaki kiravaŭ krainaj bolš za 22 hady, pakul nie zrabiŭ nijakich zajaŭ pa vynikach vybaraŭ. Čakajecca, što ŭ piatnicu ŭviečary jon pavinšuje svajho supiernika ź pieramohaj i vystupić sa zvarotam da hramadzian Hambii.
«Heta ŭnikalny vypadak, kali čałaviek, jaki kiravaŭ dziaržavaj na praciahu hetak doŭhaha času, pryznaŭ parazu», — padkreśliŭ kiraŭnik vybarčaj kamisii Hambii.
51-hadovy Jachja Džame zajmaŭ prezidenckuju pasadu z 1994 hoda. Jon pryjšoŭ da ŭłady ŭ vyniku vajennaha pieravarotu, u chodzie jakoha byŭ zrynuty prezident Daŭda Kajraba Džavara, jaki kiravaŭ krainaj z 1965 hoda.
Pravaabaroncy krytykavali prezidenta Džame za hanieńni na svaich praciŭnikaŭ.
Zaznačym, što Hambija — adna z troch afrykanskich krain (aproč Madahaskara i Namibii), kudy biełarusy mohuć pryjechać bieź vizy.
Kamientary