Raście dola biełarusaŭ, jakija znachodziacca za miažoj biednaści. Tak, u trecim kvartale 2016 hoda dola hramadzian krainy z uzroŭniem siaredniedušavych najaŭnych resursaŭ nižejšym za biudžet pražytačnaha minimumu skłała 5,7%, tady jak u druhim kvartale — 5,5%, u pieršym — 5,4%, paviedamiŭ Nacyjanalny statystyčny kamitet.
Nahadajem, biudžet pražytačnaha minimumu ŭ siarednim na dušu nasielnictva z 1 maja pa 30 červienia 2016 hoda ŭ raźliku na miesiac składaŭ 1 młn 699 tys. 430 rubloŭ (biez uliku denaminacyi).
Mienš za 150 denaminavanych rubloŭ siaredniedušavych najaŭnych resursaŭ na miesiac u trecim kvartale biahučaha hoda mieli 2,9% nasielnictva (u druhim — 2,8%), 150—200 rubloŭ — 7,2% (7,7%), 200—250 — 12,2% (11,4%), 250—300 — 12,7% (13,4%), 300—350 — 14,8% (14,4%), 350—400 — 11,8% (12,4%), 400—500 — 16,8% (15,8%), 500—600 — 8,6% (8,7%), bolš za 600 — 13% (13,6%).
Jak paviedamlałasia raniej, hrašovyja dachody ŭ studzieni—vieraśni 2016 hoda ŭ raźliku na dušu nasielnictva ŭ Biełarusi skłali 508,2 rubla na miesiac. Dla paraŭnańnia: u studzieni—vieraśni 2015 hoda hety pakazčyk składaŭ 488,5 rubla.
Takim čynam, siaredniedušavy dachod za hod vyras na 4%. Pry hetym realnyja najaŭnyja hrašovyja dachody nasielnictva, jakija ŭličvajuć inflacyju, źnizilisia za hod na 7,2%.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA2
Kamientary