Pryznačany novy skład Kiraŭničaj rady EHU, siarod inšych advakat u kaśmičnym pravie

14 śniežnia Usieahulny schod suzasnavalnikaŭ Jeŭrapiejskaha humanitarnaha ŭniviersiteta (EHU) pryniaŭ rašeńnie ab trochhadovym pryznačeńni novaha składa Kiraŭničaj rady EHU — stratehičnaha orhana kiravańnia ŭniviersitetam.

Pavialičyć

6 lipienia hetaha hoda Ahulny schod suzasnavalnikaŭ EHU pryniaŭ rašeńnie ab abnaŭleńni składa Kiraŭničaj rady, adpaviedna z p. 6.10 Statuta EHU. Rašeńnie było pryniata zhodna z rekamiendacyjami, jakija byli pradstaŭlenyja ŭ vyniku acenki efiektyŭnaści pracy Kiraŭničaj rady EHU pa zakazie Šviedskaha ahienstva pa mižnarodnamu supracoŭnictvu ŭ halinie raźvićcia,

U adpaviednaści z pradstaŭlenymi rekamiendacyjami novy skład Kiraŭničaj rady budzie skaročany da 9 čalcoŭ, jakija majuć novyja kampietencyi, adpaviadnyja sučasnym patrebam EHU. Padčas abnaŭleńnia składa Kiraŭničaj rady Ahulny schod suzasnavalnikaŭ EHU vyłučyŭ nastupnyja patrabavańni da kandydataŭ:

Najaŭnaść suviaziej/kantaktaŭ z Paŭnočnymi krainami i donarami z Paŭnočnych krain;

Najaŭnaść adpaviednaha dośviedu i suviaziej u halinie vyšejšaj adukacyi ŭ ZŠA i/albo suviazi ź finansujučymi arhanizacyjami ŭ ZŠA;

Najaŭnacć dośvieda kiravańnia ŭ halinie vyšejšaj adukacyi, naprykład, va ŭniviersitecie Zachodniaj Jeŭropy. Pažadany dośvied ŭ halinie dystancyjnaj adukacyi i navyki kiravańnia piersanałam;

Adpaviednyja suviazi i kantakty z uradami Litvy i krain Uschodniaj Jeŭropy, a taksama strukturami Jeŭrapiejskaha Sajuza;

Prafiesiny dośvied kiravańnia ŭ halinie inavacyjnych i prahresiŭnych kampanij, pažadana ŭ krainach Uschodniaj Jeŭropy.

Pa słovach prezidenta Fonda «Jeŭrazija» i staršyni Ahulnaha schoda suzasnavalnikaŭ EHU Ch.Bibi-Sentera: «Na praciahu niekalkich miesiacaŭ Ahulny schod suzasnavalnikaŭ EHU supracoŭničaŭ razam z administracyjaj univiersiteta, asnoŭnymi partniorami i donarami z metaj pieraŭtvareńnia Kiraŭničaj rady EHU. My ŭpeŭnienyja, što novaja Kiraŭničaja rada maje naležny aŭtarytet, dośvied, suviazi i volu, jakija siońnia patrebny EHU dla dasiahnieńnia stratehičnych metaŭ raźvićcia ŭniviersiteta. My chočam padziakvać novym čalcam Kiraŭničaj rady za ich hatoŭnaść sudziejničać misii EHU, a taksama našym donaram za dapamohu ŭ stvareńni takoj adkaznaj hrupy, ad jakoj budzie zaležyć raźvićcio ŭniviersiteta ŭ nastupnyja hady».

Nastupny skład Kiraŭničaj rady EHU byŭ pryznačany na try hady, pačynajučy z 14 śniežnia 2016 h.:

akad. Anatol Michajłaŭ, ex officio (Biełaruś)
Prezident Jeŭrapiejskaha humanitarnaha ŭniviersiteta

sp-r Jorhien Jorhiensen, ex officio (Danija)
Časova vykonvajučy abaviazki Rektara Jeŭrapiejskaha humanitarnaha ŭniviersiteta

praf. Ludhier Kunchardt (Hiermanija)
Centr daśledvańniaŭ jeŭrapiejskaj intehracyi, Univiersitet Bona

praf. Majkł Kienadzi (ZŠA)
Instytut mižnarodnych i publičnych daśledvańniaŭ, Braŭnaŭski ŭniviersitet

sp-r Per Karłsen (Danija)
Były ambasadar Danii ŭ Łatvii

sp-nia Eva Aśniecka-Tamiecka (Polšča)
Prarektar Kaledža Jeŭropy

sp-r Jonas Pasłauskas (Litva)
Ambasadar pa asablivych daručeńniach pa pytańniach Uschodniaha Partniorstva

sp-r Arciom Anisimaŭ (Biełaruś)
Vypusknik EHU, Advakat u halinie kaśmičnaha prava ŭ Noosphere Ventures

Jašče adzin kandydat budzie naminavany Uradam Šviecyi.

Čakajecca, što pieršaje aficyjnaje pasiedžańnie abnoŭlenaj Kiraŭničaj rady EHU adbudziecca ŭ studzieni 2017 h.

• 0
• 0
• 0
• 0
• 0
• 0
• 0
• 0