BČ spraščaje praviły pravozu svojskich žyvioł u mižnarodnych znosinach
Biełaruskaja čyhunka 1 studzienia 2017 hoda spraščaje praviły pravozu svojskich žyvioł u mižnarodnych znosinach.
Novaŭviadzieńnie datyčycca pasažyraŭ ź nievialikimi žyviołami, čyj hadavaniec (sabaka, kot, ptuška) źmieščany ŭ śpiecyjalnuju taru, jakaja nie pieravyšaje pa sumie troch vymiareńniaŭ 200 sm. U hetym vypadku pasažyru nie treba vykuplać usie miescy ŭ kupe, jak było raniej, paviedamiła pres-słužba čyhunki.
Dadatkovaja płata za pravoz pakajovych žyvioł u hetym vypadku taksama spahaniacca nie budzie. Pieravozka ažyćciaŭlajecca ŭ košt ustanoŭlenaj normy pravozu ručnoj pakłažy. Dla raźmiaščeńnia žyvioł u tary pavinny vykarystoŭvacca miescy, pryznačanyja dla zachoŭvańnia ručnoj pakłažy ŭ vahonie.
Adnak sabaki, nie źmieščanyja ŭ śpiecyjalnuju taru, pavinny pieravozicca ŭ asobnym kupe kupejnaha vahona pry najaŭnaści namordnika i łancužka. Dazvalajecca pieravozka nie bolš za dvuch sabak u adnym kupe. Pry hetym pasažyr abaviazany apłacić košt miescaŭ u kupe.
Pres-słužba nahadała, što va ŭsich vypadkach pry pieravozcy pakajovych žyvioł u abaviazkovym paradku patrabujucca adpaviednyja vieterynarnyja dakumienty.
Kamientary