«Tut jość dysharmonija ŭ pytańniach svabody słova, ale jość i pytańnie radykalizmu, razbureńnia miždziaržaŭnaj i brackaj družby», — zajaviŭ pasoł Rasii ŭ Biełarusi Alaksandr Surykaŭ 20 śniežnia na pres-kanfierencyi ŭ Minsku, kamientujučy spravu ab zatrymańni troch aŭtaraŭ ahienctva Rehnum.
Jak paviedamlaje BiełaPAN, zatrymanych dypłamat acharaktaryzavaŭ jak «vielmi radykalnych žurnalistaŭ», jakija «zabivajuć kliny» pamiž narodami Biełarusi i Rasii.
«Tak, heta biełaruskija hramadzianie, heta pracesualna sprava biełaruskaja, — skazaŭ Surykaŭ. — Ale vielmi mocna sumniavajemsia, što hetyja ludzi — sapraŭdnyja patryjoty krainy, u jakoj žyvuć i źjaŭlajucca jaje hramadzianami. Bo takija farmuloŭki, jak «niedadziaržava», «niedanarod», nie ŭpryhožvajuć nijakaha hramadzianina, u tym liku i žurnalista krainy».
Pry hetym rasijski pasoł adznačyŭ, što ŭ spravie treba «vielmi dobra razabracca». «Jość vielmi šmat pytańniaŭ. I tyja orhany, jakija hetym zajmajucca, pavinny pahladzieć i, nie ŭryvajučysia ŭ pytańni svabody słova, pryniać adpaviednyja rašeńni», — skazaŭ Surykaŭ.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2727
Kamientary