Cyrymonija provadaŭ prajšła 23 śniežnia na štohadovym turniry Baby Cup BSB Bank 2016 u minskim Pałacy sportu, paviedamlaje BIEŁTA.
«Hetaja dziaŭčynka pryjšła ŭ zału ŭ try hady. Mielita praviała ŭ sporcie 20 hadoŭ — uvieś hety čas štodzionnaj pracy, niejmaviernych fizičnych nahruzak. Zaŭsiody treba dumać, što budzie zaŭtra. Ciabie čakajuć z kožnych spabornictvaŭ ź miedalom, a heta nie zaŭsiody atrymlivajecca. I nichto nie bačyć hetuju pracu, nichto nie bačyć tvaich śloz», — skazała hałoŭny trenier zbornaj Biełarusi pa mastackaj himnastycy Iryna Laparskaja.
Jana taksama adznačyła, što za hady vystupaŭ u Staniuty źjavilisia zaŭziatary nie tolki ŭ Biełarusi, ale i va ŭsim śviecie. U pryvatnaści, Laparskaja raskazała pra zaŭziataraŭ ź Ispanii i Japonii, jakija jeździli za Mielicinaj na ŭsie spabornictvy i vystupy.
«Mielita brała ŭdzieł u dvuch Alimpijadach, nie ŭsim heta ŭdajecca. U 2012-m u Łondanie jana vystupała praz hod paśla vielmi składanaj apieracyi, na druhich dla siabie Hulniach, u Rya, joj treba było vytrymać vielmi ciažkuju psichałahičnuju nahruzku, uvieś śviet hladzieŭ na jaje: «Zmoža ci nie?». Ja dumaju, što jana zmahła. Mielicinu pa pravie možna nazvać Meli Queen», — skazała na zakančeńnie Laparskaja.
U Pałac sportu pryjšli treniery Staniuty Śviatłana Burdzievickaja, Łarysa Łukjanienka i Maryna Łobač, namieśnik ministra sportu i turyzmu Alaksandr Dubkoŭski, staršynia prezidyŭma Biełaruskaj asacyjacyi himnastyki Alena Skrypiel, pieršy namieśnik staršyni «Dynama» Vadzim Pućkoŭ, čempijon Jeŭropy i śvietu pa skačkach na batucie Dźmitryj Palaruš, a taksama pieršy biełaruski alimpijski čempijon Siarhiej Makaranka.
«Ciešyć, što siońnia ŭ hetaj zale tak šmat ludziej, jakija dapamahli mnie zrabić samyja važnyja kroki ŭ lubimaj spravie — mastackaj himnastycy. Dziakuj zaŭziataram, vy nie ŭjaŭlajecie, jak padtrymka dapamahaje znoŭ i znoŭ pieraadolvać ciažkaści. I, viadoma, dziakuj majoj kamandzie, usim trenieram i chareohrafam», — skazała Staniuta ŭ adkaz.
Mielicina Staniuta abviaściła pra rašeńnie zaviaršyć karjeru 22 śniežnia. Dumki ab zaviaršeńni karjery ŭpieršyniu pryjšli da jaje paśla zakančeńnia Alimpijskich hulniaŭ u Rya-de-Žaniejra, dzie Staniuta nie trapiła ŭ lik pryzioraŭ, zaniaŭšy 5-je miesca. Mielicina ŭpieršyniu stupiła na himnastyčny pamost u 2005 hodzie. 23-hadovaja Mielita šmat razoŭ stanaviłasia pryzioram čempijanataŭ śvietu i Jeŭropy, pieramahała na etapach Kubka śvietu, Univiersijadzie i Suśvietnych hulniach. U 2015 hodzie atrymała zvańnie zasłužanaha majstra sportu.
Kamientary