Zapracavała internet-kniharnia niezaležnaha vydaviectva «Januškievič»
Litaralna na dniach u virtualnaj prastory zapracavała novaja knižnaja krama vydaviectva «Januškievič». Ciapier knihi pad hetaj markaj možna kupić naŭprost, biez pasrednikaŭ. Nizkija košty i vysokaja jakaść vykanańnia knih pryvabiać navat samaha prydzirlivaha pakupnika.
U asartymiencie — uvieś katałoh vydaviectva. Pačatkovaja misija jaho dziejnaści zaklučałasia ŭ vielmi prostych i zrazumiełych kožnamu słovach - nabližać historyju da ludziej. Tut robiać staŭku na raźvićcio žanru non fiction, vielmi papularnym va ŭsim śviecie. Knihi pa historyi, jakija vyjšli ŭ vydaviectvie «Januškievič» napisany prafiesijnymi navukoŭcami, jakija adkazvajuć za svaje acenki i vysnovy praciahłym vyvučeńniem krynic u archivach i biblijatekach.
A jašče vydaviectva, imknučysia raźvivać kulturnuju prastoru biełaruskaj knihi, usio bolš źviartajecca da vydańnia aryhinalnaj mastackaj litaratury.
Što ž cikavaha nieŭzabavie vyjdzie?
- Epičny raman Fłaryjana Čarnyševiča «Nadbiarezincy». Cełych 700 staronak! Pohlad tutejšaha palaka na žyćcio Uschodniaj Biełarusi ŭ 1909-1921 hadach.
- Novy historyka-pryhodnicki raman Ludmiły Rubleŭskaj «Dahieratyp». Tvor u lepšych tradycyjach prozy Dziuma, Karatkieviča i Peresa-Revierte. Darečy, hety prajekt Vy možacie padtrymać na Talaka.by i ŭžo zaraz zareziervavać knihu pa najlepšym košcie.
- «20 asob, jakija źmianili Biełaruś». Zachaplalnyja ese Vasila Hierasimčyka pra cikavyja fakty žyćcia znakavych histaryčnych asob z epochi XIX - pačatku XX stahodździa: ad Zaryjana Dałenhi-Chadakoŭskaha da Arkadzia Smoliča.
Kab być zaŭsiody ŭ kursie spraŭ vydaviectva, lepiej padpisacca na naviny i abviestki. Heta nie zojmie šmat času, a budzie cikava i karysna!
Sajt internet- kniharni źjaŭlajecca taksama vizitnaj staronkaj ułasna vydaviectva «Januškievič». Luby patencyjny aŭtar moža paznajomicca z prapanavanymi vydavieckimi pasłuhami i vydać tut knihu. Za jakaść adkazvaje sam padychod — kožnaja kniha bieskampramisna razhladajecca jak tvor palihrafičnaha mastactva. Vielmi važna, kab knihu było pryjemna ŭziać u ruki.
Kamientary