Minharvykankam: Budaŭnictva «Hazprom-centra» zakansiervavanaje z 22 śniežnia
Budaŭnictva šmatfunkcyjanalnaha kompleksu «Hazprom-centr» zakansiervavanaje z 22 śniežnia 2016 hoda. Pra heta paviedamiŭ BiełaPAN namieśnik staršyni kamiteta budaŭnictva i inviestycyj Minharvykankama Mikałaj Butrym.
Pavodle jaho słoŭ, dakumient ab kansiervacyi ab`iekta padpisaŭ hienieralny dyrektar AAT «Hazprom transhaz Biełaruś» Uładzimir Majoraŭ.
Raboty pa budaŭnictvie šmatfunkcyjanalnaha kompleksu praktyčna nie viaducca z kanca žniŭnia. Pavodle nieaficyjnaj infarmacyi, asnoŭnaj pryčynaj prypynieńnia stała skaračeńnie finansavańnia prajekta z boku AAT «Hazprom» z-za hazavaj sprečki pamiž Biełaruśsiu i Rasijaj. «Jany (rasijanie) sprabavali nam nieaficyjna namiaknuć, što hrošy, jakija my pavinny płacić Rasii za haz, heta i jość tyja hrošy, za jakija budujecca hety ab`iekt. I kali my pierastajem płacić, to aŭtamatam pierastaje finansavacca hetaja budoŭla», — rastłumačyła BiełaPAN u śniežni infarmavanaja krynica.
Siońnia hetuju infarmacyju paćvierdziła inšaja kampietentnaja krynica. Pavodle jaje słoŭ, budaŭnictva kompleksu budzie adnoŭlenaje paśla taho, jak Biełaruś raźličycca z Rasijaj pa daŭhach za haz, jakija pieravyšajuć 400 młn dołaraŭ. «Hrošy mohuć ź`iavicca, kali budzie vyrašany hazavy kanflikt», — skazaŭ jon.
Inšaj pryčynaj kansiervacyi budaŭnictva «Hazprom-centra» nazyvalisia techničnyja prablemy.
Butrym heta paćvierdziŭ. «Ab`iekt padzialajecca na dzieviać puskavych kompleksaŭ, adzin z puskavych kompleksaŭ — vyšynnaja častka. Voś pa vyšynnaj častcy viaducca novyja raźliki», — paviedamiŭ namieśnik kiraŭnika kamiteta budaŭnictva i inviestycyj harvykankama. Z-za taho što budynak vielmi vysoki (189 mietraŭ), z časam jon budzie prasiadać, tamu zaraz razhladajucca varyjanty ŭmacavańnia padmurka albo źnižeńnia vyšynnaści budynka, rastłumačyŭ Butrym.
Kampanija «Hazprom transhaz Biełaruś» situacyju nie kamientuje.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary