Kiraŭnik Čačni Ramzan Kadyraŭ zajaviŭ pra niejtralizacyju bandy, jakaja, pavodle jaho, źviazanaja z ekstremisckaj arhanizacyjaj «Isłamskaja dziaržava», paviedamlaje Bi-bi-si.
U svaim «Instahramie» jon apublikavaŭ videa, źniataje paśla zatrymańnia apošniaha imaviernaha člena hrupoŭki.
Kadyraŭ, jaki na videa razmaŭlaje z zatrymanym pa-čačensku, śćviardžaje, što toj — niebiaśpiečny ekstremist Imran Dacajeŭ, jaki maje dačynieńnie da zabojstva staršaha siaržanta palicyi vosieńniu 2016 hoda.
Pavodle dadzienych kiraŭnika Čačni, Dacajeŭ źbieh pry praviadzieńni śpiecapieracyi 11 studzienia, ale hetaj nočču byŭ błakavany ŭ Hroznym, akazaŭ supraciŭ palicyi i zatrymany. Pa słovach Kadyrava, Dacajeŭ pajšoŭ na zabojstva palicejskaha pa zahadzie džychadzistaŭ, «kab zasłužyć davier».
Taksama kiraŭnik Čačni taksama zajaviŭ ab zatrymańni ŭ Nalčyku (Kabardzina-Bałkaryja) jašče dvaich imaviernych členaŭ bandy.
«Na dadzieny momant usia bandhruppa niejtralizavanaja, u adździeły palicyi dastaŭlenyja bolš za 50 udzielnikaŭ», — napisaŭ Kadyraŭ.
Pavodle jaho słoŭ, bandu kaardynavaŭ uradženiec horada Šali (Čačnia), jaki ciapier znachodzicca ŭ Siryi. «Jaho imia i proźviščy viadomyja. Usie kantakty adsočvalisia», — adznačyŭ Kadyraŭ.
U płany złačyncaŭ, pa infarmacyi kiraŭnika Čačni, «ŭvachodzili bujnamaštabnyja terakty z maksimalnaj kolkaściu achviar».
Paćvierdžańnia hetaj infarmacyi ź inšych krynic niama.
11 studzienia ŭ Čačni pačałasia śpiecapieracyja suprać imaviernych terarystaŭ. Kadyraŭ tady paviedamiŭ, što ŭ vyniku byli zabityja čaćviora padazravanych, adzin zatrymany.
Zahinuli dvoje bajcoŭ Rashvardyi.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA2
Kamientary