Barysaŭski školnik patrapiŭ u reanimacyju paśla injekcyi rasijskaha antybijotyka
Pavodle infarmacyi ex-Press, 11-hadovamu navučencu adnoj sa škoł Barysava ŭ chatnich umovach 20 studzienia była zroblenaja injekcyja ceftryaksona.
Antybijotyk vyrableny na padmaskoŭnym pradpryjemstvie TAA «RUZFARMA».
Praź dziesiać chvilin paśla ŭviadzieńnia preparata, rastvoranaha ŭ 1% lidakaina, u dziciaci źjavilisia syp, hołavakružeńnie, vanity, jon staŭ hublać prytomnaść i zadychacca.
Baćki nie stali čakać pryjezdu chutkaj dapamohi i na svajoj mašynie pryvieźli chłopčyka ŭ špital.
Praz dvaccać chvilin paśla ŭkołu jon užo znachodziŭsia ŭ adździaleńni aniestezijałohii i reanimacyi Barysaŭskaj centralnaj rajonnaj balnicy. Lekary pravodzili kompleks reanimacyjnych mierapryjemstvaŭ, u tym liku štučnuju vientylacyju lohkich.
Pavodle infarmacyi partała, dyjahnaz byŭ pastaŭleny adrazu: anafiłaksija na ŭviadzieńnie ceftryaksona (lidakaina?), anafiłaktičny šok.
Dzicia da hetaha času znachodzicca ŭ špitali, namiecilisia pazityŭnyja zruchi ŭ jaho stanie, jaki ahułam pakul aceńvajecca jak ciažki.
Nahadajem taksama, što niadaŭna paśla injekcyi antybijotyka pamierła žycharka Maładziečanskaha rajonu.
Kamientary