Palicyja Narviehii abvinavaciła rasijskuju vyviedku ŭ sprobach paŭpłyvać na Nobeleŭski instytut i nie dapuścić prysudžeńnia premii miru prezidentu Ukrainy Piatru Parašenka ŭ 2015 hodzie, pieradaje Bi-bi-si sa spasyłkaj na paviedamleńnie narviežskaj hramadskaj teleradyjoviaščalnaj karparacyi NRK.
Pavodle paviedamleńnia, 10 červienia 2015 hady dvoje, jakija nazvalisia supracoŭnikami pasolstva Rasii ŭ Osła, pryjšli Nobeleŭski instytut dla sustrečy ź jaho dyrektaram Ułavam Ńjełstadam.
Fakt sustrečy NRK paćvierdziŭ sam Ńjełstad, jaki i paviedamiŭ pra jaho palicyi jak pra sprobu paŭpłyvać na instytut. Palicyja pačała rasśledavańnie incydentu i pryjšła da vysnovy, što adzin z naviedvalnikaŭ byŭ rabotnikam rasijskich śpiecsłužbaŭ.
Za dva tydni da hetaj sustrečy ŭ «prarasijskich błohach i navinavych vydańniach», naprykład, na sajcie Sputnik, byŭ apublikavany list, nibyta napisany śpikieram Viarchoŭnaj Rady da pradstaŭnika pasolstva ZŠA ŭ Osła. U hety pieryjad tuju pasadu zajmaŭ Uładzimir Hrojsman.
Pavodle hetaha lista, ZŠA akazvajuć cisk na Nobieleŭski kamitet, kab jon prysudziŭ premiju miru ŭ 2015 hodzie Parašenku. U liście Hrojsman prosić harantyj taho, što Parašenka atrymaje premiju.
Parłamient Ukrainy i pasolstva ZŠA ŭ Osła zajavili, što list sfabrykavany.
Palicyja Narviehii ŭ vyniku pryjšła da vysnovy, što list, fejkavyja naviny i vizit dypłamataŭ u Nobeleŭski instytut byli sprobaj rasijskich śpiecsłužb paŭpłyvać na instytut. Na dumku palicyi, śpiecsłužby sprabavali dyskredytavać Parašenku ŭ vačach tych, chto prymaŭ rašeńnie ab uznaharodžańni Nobieleŭskaj premijaj.
U vypadku, kali b Parašenka atrymaŭ premiju, hetyja fejkavyja naviny i list źmienšyli b davier da Nobieleŭskamu kamitetu i premii, piša vydańnie.
Rasijskaja bok adchiliŭ abvinavačvańni vydańnia. U ambasadzie Rasii ŭ Osła nazvali hetyja zajavy paranojaj.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ18
Kamientary