4 ukrainskija žaŭniery zahinuli za adzin dzień, u bai pad Aŭdziejeŭkaj zabity kambat rasijskich bajevikoŭ
Niezvyčajnaje abvastreńnie situacyi na froncie ŭ rajonie Aŭdziejeŭki adznačyli krynicy abodvuch bakoŭ u niadzielu.
Boj pačaŭsia kala 5:00 u rajonie Aŭdziejeŭskaj pramzony intensiŭnym abstrełam sa zbroi dy minamiotaŭ. Ź siami hadzin pačałasia ataka na ŭkrainskija pazicyi z metaj ich zachapić, paviedamlaŭ dniom pres-centr Antyterarystyčnaj apieracyi.
«Paśla masiravanych abstrełaŭ ź minamiotaŭ u rajonie Aŭdziejeŭki akupanty namahalisia šturmavać našy pazicyi dy vymušanyja byli adyści sa stratami… Na 18.00 zafiksavana 22 abstreły. Na žal, čaćviora našych vajskoŭcaŭ zahinuli, piać — paranienyja», — havorycca ŭ viačernim paviedamleńni pres-centra.
Paśla ŭkrainskija vajskoŭcy pierajšli ŭ kontrnastup i zachapili važny post praciŭnika, pieradaje paviedamiŭ UNIAN sa spasyłkaj na ministra abarony Ukrainy Ściapana Pałtaraka.
U hetym ža bai z supraćlehłaha boku zahinuŭ kamandzir bataljona «DNR» Ivan Bałakaj, napisaŭ u svaim facebook viadomy kamandzir prarasijskich bajevikoŭ, były kiraŭnik Rady biaśpieki «DNR» Alaksandr Chadakoŭski.
Pa viersii Chadakoŭskaha, atakavać pačała ŭkrainskaja armija.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski22
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2424
Kamientary