Emblemaj piesiennaha konkursu ŭ Kijevie abrali čyrvona-čornyja karali.
«Celebrate Diversity», što prykładna aznačaje «Usłaŭlajcie/šanujcie raznastajnaść», stanie klučavoj temaj dla ŭsich aśpiektaŭ piesiennaha konkursu hetaha hoda. Pra heta paviedamlaje «1tv.com.ua».
Arhanizatary konkursu rastłumačyli, što słohan i łahatyp padziei dajuć razumieńnie ŭkrainskaj kultury i ŭjaŭleńnie ab tym, što čakaje fanaŭ, jakija pryjeduć u Kijeŭ u mai.
«Ukraina adznačycca spałučeńniem kultury, technałohij i indyvidualnaha tvorčaha zapału ŭsich 43 kankursantaŭ, jakija ŭžo aktyŭna rychtujucca da piesiennaha konkursu», - havorycca ŭ paviedamleńni.
«Słohan «Celebrate Diversity» dapaŭniaje letašniuju temu «Come Together» («Jadnajciesia»). U hetym łozunhu adlustravanyja važnyja dla piesiennaha konkursu kaštoŭnaści. «Celebrate Diversity» — pra abjadnańnie Jeŭropy i krain pa-za jaje miežami, hramadzianie jakich źbiarucca razam, kab ušanavać toje, što nas abjadnoŭvaje i toje, što adroźnivaje adno ad adnaho, robić nas unikalnymi. Taksama ŭsich abjadnaje dobraja muzyka», — raspavioŭ vykanaŭčy dyrektar «Jeŭrabačańnia» Jon Oła Sand.
Jon dadaŭ: «Vykarystańnie hetaha pryhožaha i značnaha łahatypa, zasnavanaha na tradycyjnym abiarehu, stvaraje nie tolki adčuvańnie histaryčnaści, ale i sučasnaści ŭ vonkavym vyhladzie i padačy. Pakolki hetaja tema źjaŭlajecca klučavoj dla kamandy «Jeŭrabačańnia-2017», my ź nieciarplivaściu čakajem fantastyčnaha šou ŭ mai».
Pieramožcy adboru kreatyŭnaj kancepcyi «Jeŭrabačańnie-2017» — dva ŭkrainskija kreatyŭnyja ahienctvy: Republique i Banda, jakija abjadnalisia śpiecyjalna dla hetaha prajekta. Uziaŭšy karali za asnovu łahatypa, jany dali kožnamu elemientu ŭpryhažeńnia niepaŭtorny ŭzor i formu. Heta simvalizuje toje, što ŭsie my ŭnikalnyja, i nas usio roŭna abjadnoŭvaje luboŭ da muzyki.
«Zadača, jakuju my stavili pierad saboj, pracujučy nad łahatypam, było žadańnie vyvieści vobraz tradycyjnych dla ŭkrainskaj kultury karalaŭ na inšy ŭzrovień, zrabić jaho zrazumiełym dla novaj aŭdytoryi», — raspaviadaje suzasnavalnik Republique Dzianis Hieraśko. «My pryniali hety tradycyjny elemient — karali — i dali jamu jarki sučasny vyhlad», — dadaje kreatyŭny dyrektar Banda Agency Pavieł Vržešč.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary