KDB kanfiskavała ŭ studenta 7 tysiač nalepak «papiarednie ekstremisckaha źmiestu» FOTY
Jak paviedamiŭ «Našaj Nivie» student adnoj sa staličnych VNU, pieršaha lutaha na pahraničnym pierachodzie «Chacisłaŭ» na miažy Ukrainy i Biełarusi ŭ jaho kanfiskavali bolš za 7 tysiač nalepak.
Padstava: «papiarednie ekstremiscki źmiest».
Jak vynikaje sa słoŭ chłopca, supracoŭniki KDB, najchutčej, papiarednie viedali, kali nalepki buduć vieźci, tamu na mytni pačali praviarać adrazu ŭsich.
«Takoj pravierki ja raniej nie bačyŭ, — skazaŭ jon. — Nalepki lažali ŭ zaplečniku, a źvierchu piečyva i ježa niejkaja — kupiŭ, kab schavać krychu. Jany znajšli ich i pačali hladzieć astatnija rečy. Tam była jašče vokładka ad pašparta, dzie lažali jašče 9 nalepak (4 z Kalinoŭskim i cytataj pra «maskaloŭ», 4 z «Pahoniaj» i adna futbolnaja)».
Nalepki musili patrapić da administrataraŭ supołki «Maja kraina Biełaruś». Heta adna z najbolšych biełaruskich supołak «Ukantakcie» — na jaje padpisanyja amal 95 tysiač čałaviek.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary