Rasijski Pieršy kanał: Nie daj boh, u Rasiju praź Biełaruś zajedzie Abama
Na Pieršym kanale (Rasija) źjaviłasia čarhovaja pieradača, pryśviečanaja Biełarusi. Na hety raz u prahramie «Čas pakaža» abmiarkoŭvałasia tema ŭviadzieńnia rasijskim bokam miažy ź Biełaruśsiu.
U pieradačy ŭdzielničaŭ pasoł Biełarusi ŭ Maskvie Ihar Pietryšenka. «Biełaruś była i jość paśladoŭnym sajuźnikam Rasii», — adrazu zajaviŭ spadar pasoł.
Taksama jaho paprasili prakamientavać čutki, jakija raspuskajucca rasijskimi ŚMI, ab padrychtoŭcy vychadu Biełarusi ź intehracyjnych prajektaŭ z Rasijaj — Jeŭrazijskaha ekanamičnaha sajuza, ADKB, sajuznaj dziaržavy.
«Ja liču nižej za svaju hodnaść heta kamientavać. Ad rašeńnia pa budaŭnictvie sajuznaj dziaržavy naš prezident nie adstupiŭ ni na jotu», — zapeŭniŭ pasoł.
«Što tyčycca pamiežnaj zony, to ŭ Rasii nichto nikoli nie zabyvajecca, što Biełaruś — heta suvierennaja i niezaležnaja dziaržava. Biełaruś, darečy, niebahataja dziaržava, vyrašyła, kab zarablać hrošy, narmalna žyć, zrabić adkryty režym. Heta ich prava.
Adpaviedna my pavinny adreahavać. Tamu, kali svabodna pryjedzie bien Ładen, ci nie daj boh tavaryš Abama, jany nie pavinny prajechać», — vykazvaŭsia dyrektar «Instutyta prablem hłabalizacyi» Michaił Dzialahin.
Dyrektar centra palityčnych daśledavańniaŭ krain Paŭnočnaj i Uschodniaj Jeŭropy, jakoha časta vykarystoŭvajuć u rasijskich ŚMI jak chłopčyka dla bićcia, sprabavaŭ davieści, što takoje rašeńnie spryjaje zakryćciu i izalacyi Rasii. «Začyniajecca apošniaja fortka, jakaja źviazvaje Rasiju ź Jeŭropaj», — kazaŭ Alaksandr Sycin.
Ihar Pietryšenka taksama raskazvaŭ, što dziejničaje adzinaja baza dadzienych ujaznych na terytoryju «sajuznaj dziaržavy». «90% nieŭjaznych akurat z rasijskaha boku. Na dniach u Biełaruś nie puścili žurnalista z Ukrainy, jaki byŭ u hetym śpisie», — raskazvaŭ Pietryšenka.
Siarod haściej studyi taksama prysutničaŭ prarasijski publicyst Alaksiej Dziermant i palitołah Juryj Šaŭcoŭ, ale im tak i nie dali słova.
U druhoj častcy pieradačy stali abmiarkoŭvać ukrainskich «banderaŭcaŭ».
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty8
Kamientary