Minskaja milicyja nie suprać vydzialeńnia placovak dla vystupleńniaŭ vuličnych muzykaŭ
Minskaja milicyja nie suprać vydzialeńnia placovak dla vystupleńniaŭ vuličnych muzykaŭ i hatovaja zabiaśpiečyć ich biaśpieku. Pra heta paviedamiŭ namieśnik načalnika HUUS Minharvykankama-načalnik milicyi hramadskaj biaśpieki Ivan Kubrakoŭ padčas adkrytaha dyjałohu ab pierśpiektyvach moładzievaha pravaachoŭnaha ruchu ŭ Minsku, pieradaje BIEŁTA.
Kančatkovaje rašeńnie pa pradastaŭleńni vuličnym muzykam u Minsku placovak dla vystupaŭ pakul nie pryniataje, ale Ivan Kubrakoŭ źviarnuŭ uvahu, što ŭ stalicy ŭžo jość dobry dośvied praviadzieńnia muzyčnych viečaroŭ la Ratušy. Pa jaho słovach, arhanizatary hetaha mierapryjemstva pieršapačatkova raźličvali na tysiaču słuchačoŭ, ale pa fakcie placoŭka la Ratušy była navat pierapoŭnienaja. «Liču, što sama ideja davoli niadrennaja. Kali heta padabajecca minčukam — čamu b i nie, navošta abmiažoŭvać», — skazaŭ Ivan Kubrakoŭ.
Pry abmierkavańni varyjantaŭ placovak dla vuličnych muzykaŭ HUUS Minharvykankama abaviazkova acenić uzrovień ich biaśpieki. «Što tyčycca biaśpieki, to, viadoma, jana ŭ abaviazkovym paradku pavinna zabiaśpiečvacca. Kali heta padziemny pierachod, placoŭka kala mietro, to my damo svaje rekamiendacyi», — rastłumačyŭ namieśnik načalnika HUUS Minharvykankama.
Na jaho dumku, pradstaŭniki moładzievych atradaŭ achovy pravaparadku taksama pavinny padklučycca da zabieśpiačeńnia biaśpieki na vuličnych kancertach. «Što tyčycca dapamohi bajcoŭ MAAP, to jana nie prosta patrebnaja, a nieabchodnaja. Prysutnaść rabotnika milicyi ŭ formie daje prafiłaktyčny vynik — heta adnaznačna. My vydatna razumiejem: kali na vulicy znachodzicca milicyja, to biaśpieka zabiaśpiečvajecca, pry nieabchodnaści budzie akazanaja dapamoha. Družyńnik, bajec MAAP maje pravavyja padstavy zrabić zaŭvahu, i heta taksama daje vynik: byccam by milicyi ŭ formie niama, ale biaśpieka zabiaśpiečvajecca. Majo mierkavańnie — takaja dapamoha patrebnaja ŭ abaviazkovym paradku», — adznačyŭ Ivan Kubrakoŭ.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ10
Kamientary