Pavodle apublikavanych u sieradu, 8 lutaha, troch sacyjałahičnych apytańniaŭ, kandydat u prezidenty ad partyi respublikancaŭ Fransua Fijon sastupaje miesca ŭ pieršym tury vybaraŭ niezaležnamu kandydatu Emaniuelu Makronu. U druhim tury lidar ruchu «Napierad!» Makron pieramahaje Maryn Lo Pien z razhromnym likam, piša RFI.
U paniadziełak, 6 lutaha, Fransua Fijon, jaki apynuŭsia ŭ centry palityka-finansavaha skandału z-za najmu žonki i dziaciej na pracu, publična vybačyŭsia pierad francuzami i pryznaŭ svaju pamyłku. Prabačeńni Fransua Fijona nie paŭpłyvali na vybar francuzaŭ — pra heta śviedčać vyniki troch apytańniaŭ hramadskaha mierkavańnia.
Tak, zhodna ź instytutu Opinionway, kandydat ad «Nacyjanalnaha frontu» Maryn Lo Pien pa-raniejšamu lidziruje ŭ pieršym tury, stabilna nabirajučy 25% hałasoŭ. Śledam idzie niezaležny kandydat i lidar ruchu «Napierad!» Emaniuel Makron, za jakoha ŭ pieršym tury hatovyja hałasavać 22% francuzaŭ. Kandydat ad partyi respublikancaŭ Fransua Fijon zajmaje treciuju pazicyju z 20% hałasoŭ.
Na levym palityčnym fłanhu kandydat ad kirujučaj sacyjalistyčnaj partyi Bienua Amon moža nabrać u pieršym tury 15%, a lidar krajnie levaha ruchu «Niaskoranaja Francyja» Žan-Luk Mielenšon — 12% hałasoŭ.
Pry hetym, chto b ni vyjšaŭ u druhi tur, Fijon abo Makron, u abodvuch jość bolš šancaŭ stać prezidentam, čym u Maryn Lo Pien.
U vypadku palityčnaj «dueli» Lo Pien — Makron, apošni pieramahaje, nabirajučy 66% hałasoŭ. U vypadku, kali lidaru Nacfrontu budzie supraćstajać Fijon, jon taksama vyjhraje vybary, sabraŭšy 62%, śviedčać źviestki apytańniaŭ.
Pieršy tur adbudziecca 23 krasavika, druhi tur — 7 maja.
-
Francyja, Hiermanija i Vialikabrytanija papiaredzili Iran pra mahčymaść vajennaha ŭmiašańnia
-
U Techasie mužčyna rasstralaŭ natoŭp kala bara. ŚMI źviazvajuć heta z amierykanskimi ŭdarami pa Iranie
-
ZŠA paćvierdzili vykarystańnie stełs-bambardziroŭščykaŭ B-2 dla ŭdaraŭ pa Iranie. Jany vykanali biespasadačny pieralot praz pałovu śvietu z bazy ŭ Misury
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary