Muzykant ź Biełarusi na adpiavańni «Hivi»: Heta strata dla ŭsiaho ruskaha śvietu
Muzykant ź Biełarusi, łaŭreat i dypłamant šmatlikich muzyčnych konkursaŭ Alaksiej Niežaviec uziaŭ udzieł u viečary-rekvijemie, pryśviečanym kiraŭniku bajevikoŭ «Hivi», zabitaha strełam z ahniamiota ŭ svaim kabiniecie ranicaj 8 lutaha ŭ Daniecku.
Jak havorycca na sajcie Alaksieja Niežaŭca, jon aŭtar-vykanaŭca, kampazitar, aranžyroŭščyk i paet, šmatrazovy łaŭreat i dypłamant fiestyvalaŭ aŭtarskaj pieśni ŭ Biełarusi i pa-za jaje miežami. Byŭ hościem i členam žury mnohich biełaruskich fiestyvalaŭ, a taksama adnym z arhanizataraŭ kancertaŭ aŭtarskich piesień u Minsku i fiestyvalu «FEST-A-BDU» (Minsk). Nieadnarazova vystupaŭ z kancertami ŭ kłubach i na vialikich scenach. «Niaźmienny kiraŭnik» i «idejny natchnialnik» Kłuba aŭtarskaj pieśni BDU.
Prymajučy ŭdzieł u viečary-rekvijemie, biełaruski muzykant zajaviŭ, što ŭsprymaje hibiel adyjoznaha kamandzira bajevikoŭ, jaki demanstratyŭna katavaŭ ukrainskich vajskoŭcaŭ, jak «asabistuju trahiedyju».
«Heta trahičny dzień. Ja ŭsprymaju toje, što adbyłosia, jak asabistuju trahiedyju. Prahrama kancerta, ź jakoj ja siudy pryjechaŭ, nazyvajecca «Viečnaść. Abłoki». Jana całkam kładziecca na situacyju. Asabista ja «Hivi» nie viedaŭ, ale zrazumieła, što heta byŭ naščadak vialikich pałkavodcaŭ. Jon - narodny pałkavodziec, narodny hieroj. I jaho śmierć usprymajecca kožnym razumnym čałaviekam jak asabistaja strata. Akramia taho, heta strata dla ŭsiaho ruskaha śvietu», - zajaviŭ Niežaviec.
-
Francyja, Hiermanija i Vialikabrytanija papiaredzili Iran pra mahčymaść vajennaha ŭmiašańnia
-
U Techasie mužčyna rasstralaŭ natoŭp kala bara. ŚMI źviazvajuć heta z amierykanskimi ŭdarami pa Iranie
-
ZŠA paćvierdzili vykarystańnie stełs-bambardziroŭščykaŭ B-2 dla ŭdaraŭ pa Iranie. Jany vykanali biespasadačny pieralot praz pałovu śvietu z bazy ŭ Misury
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary