Paviedamleńnie ab tym, što ŭ Breście na vulicy Internacyjanalnaj na bałkonie 14-ha paviercha na rukach visić čałaviek, pastupiła ratavalnikam 21 lutaha ŭ 18.17, piša »Bresckaja hazieta».
Prybyŭšy da miesca vykliku, jany ŭbačyli, što na aharodžy bałkona leśvičnaj kletki 14-ha paviercha žyłoha doma siadzić čałaviek. Mužčyna pahražaŭ saskočyć pry sprobie da jaho nablizicca abo vysunuć da jaho aŭtaleśvicu. Pad miescam mierkavanaha padzieńnia było raściahnutaje naciažnoje vyratavalnaje pałatno.
Ratavalniki nazirali za mužčynam praz raźmieščanaje pobač z bałkonam akno kvatery. «Padabraŭšy momant, kali jon straciŭ raŭnavahu i ŭpaŭ na padłohu bałkona, supracoŭniki MNS padbiehli da jaho, prycisnuli da padłohi i źviazali vyratavalnaj viaroŭkaj», — raspaviali ŭ abłasnym upraŭleńni MNS. Zatym bieraściejca pieradali supracoŭnikam milicyi.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary