Kiroŭcy pabilisia za miesca ŭ čarzie pablizu punkta propusku «Varšaŭski most», paviedamili ŭ DAI UUS Bresckaha abłvykankama.
Incydent pamiž 30-hadovym i 40-hadovym bieraściejcami adbyŭsia siońnia kala 9 hadzin ranicy na darozie Krapasny prajezd. Dva lehkavyja aŭtamabili pry vyjeździe z terytoryi AZS u parušeńnie patrabavańniaŭ darožnaha znaka pajechali naŭprost, kab prajści rehistracyju elektronnaj čarhi. Pry hetym kiroŭca «Aŭdzi A6», žadajučy abahnać supiernika, nie ŭličyŭ bakavoha intervału pamiž aŭto i začapiŭ «Aŭdzi 80».
Sa słoŭ vidavočcaŭ, drobnaje DTZ spravakavała kanflikt: zamiest taho, kab prynieści prabačeńni, vinoŭnik DTZ staŭ vyśviatlać adnosiny z paciarpiełym. U zapale jon udaryŭ nahoj pa fary. Dvojčy paciarpieły kiroŭca, niadoŭha dumajučy, dastaŭ padobny na małatok pradmiet i raźbiŭ zadniaje škło aŭtamabila kryŭdziciela.
Na miesca zdareńnia pa vykliku prybyli supracoŭniki DAI, AMAP i apieratyŭnaja hrupa. Na ŭdzielnikaŭ incydentu było składziena čatyry administracyjnyja pratakoły, try ź jakich na zavadatara kanfliktu. Pryčym paciarpieły vykazaŭ pažadańnie nie pryciahvać kryŭdziciela da adkaznaści za ździajśnieńnie DTZ. Pravierku pa fakcie naŭmysnaha pryčynieńnia škody majomaści pravodzić Maskoŭski RAUS.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary