Fond baraćby z karupcyjaj (FBK) apublikavaŭ rasśledavańnie pra nieruchomaść premjer-ministra Dźmitryja Miadźviedzieva. U publikacyi raspaviadajecca pra niekalki majontkaŭ u Rasii i za miažoj.
Adzin z damoŭ, jak śćviardžajuć u FBK, jon atrymaŭ u dar ad pradprymalnika Ališera Usmanava. Farmalna nieruchomaść zapisanaja na dabračynny fond.
U FBK śćviardžajuć, što Dźmitryj Miadźviedzieŭ kantraluje niekalki dabračynnych fondaŭ, u jakija pieraličany 70 miljardaŭ rasijskich rubloŭ (za jaki pieryjad, nie ŭdakładniajecca). Pa dadzienych supracoŭnikaŭ fondu, heta, u tym liku, chabar ad miljarderaŭ Ališera Usmanava i Leanida Michielsona, a taksama hrošy «Bašnafty».
Akramia taho, u rasśledavańni raspaviadajecca pra dźvie jachty, jakija byli pryšvartavanyja ŭ rezidencyi Miadźviedzieva ŭ Plosie. Jachty aformleny na blizkuju da Miadźviedzieva strukturu.
Taksama, jak śćviardžajuć u FBK, u Miadźviedzieva jość vinahradnik u Italii.
Dača ŭ Plosie, siadziba na Rubloŭcy, padoranaja Usmanavym, sakretnaja hornaja dača ŭ Psiechaka, ziamla va Utryše, Olhincy i padmaskoŭnaj vioscy Masłava, anapskija vinahradniki, pałac hrafa, pierarobleny ŭ kvatery z aŭtamabilnymi liftami, ahra-biznes i jachty — usio heta absłuhoŭvajecca z adzinaha centra.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary