Ministerstva transpartu i kamunikacyj budzie sadziejničać prychodu ŭ Biełaruś łaŭkostaŭ, zajaviŭ siońnia žurnalistam ministr transpartu i kamunikacyj Anatol Sivak na pres-kanfierencyi ŭ pres-centry BIEŁTA.
«U nas na siońniašni dzień niama nijakich padstaŭ, kab nie latali ŭ respubliku łaŭkosty. Heta prablema chutčej samich łaŭkostaŭ — kali jany prymajuć rašeńnie pa adpaviednych taryfach latać u toj ci inšy punkt, zychodziać z ekanamičnaj efiektyŭnaści taho ci inšaha rašeńnia», — adznačyŭ Anatol Sivak.
Pavodle jaho słoŭ, kab rašeńnie było efiektyŭnym, nieabchodny adpaviedny pasažyrapatok.
«Na siońniašni dzień, nakolki ja razumieju, pa pryncypach łaŭkostaŭ pracuje naš maršrut Minsk—Žukoŭski. Kali ŭ taho ci inšaha pieravozčyka budzie žadańnie tut adkryć maršrut na pryncypach łaŭkost-kampanij, nie baču nijakich pieraškod. U nas dla hetaha niama jurydyčnych pieraškod. My, naadvarot, budziem hetamu sadziejničać», — zapeŭniŭ ministr.
Kamientary