Kiraŭnik CVK Lidzija Jarmošyna ŭ intervju bpc.by vykazałasia pra rolu žančyn u hramadska-palityčnym žyćci Biełarusi.
— Jak Vy dumajecie, u budučyni prysutnaść žančyn u hramadska-palityčnym žyćci Biełarusi zastaniecca na ŭzroŭni siońniašniaha dnia, albo my staniem śviedkami novych źmianieńniaŭ? Jakija heta mohuć być źmieny?
— Usio zaležyć ad taho, ci budzie dziaržava heta stymulavać. Abjektyŭna, pavinna pavialičycca. Tamu što žančyny značna lepš sacyjalna adaptujucca da ŭsich vyklikaŭ, jakija vystaŭlaje čas. U tym płanie, što nie tak padajuć ducham, jak mužčyny. Jany bolš hnutkija. Jany mianiajuć prafiesii, jany mianiajuć pracy, jany značna lepš prystasoŭvajucca da składanych žyćciovych situacyj. Mužčyny mienš ruchomyja ŭ hetym. Tamu, abjektyŭna, rola žančyn pavinna pavyšacca i jaje pradstaŭnictva pavinna pavialičvacca.
Ale tut mnohaje jašče zaležyć ad taho, jakaja budzie mužčynskaja palityka ŭ dačynieńni da žančyn. Heta zaležyć ad tych mužčyn, jakija znachodziacca va ŭładzie. Kali jany buduć stymulavać, vitać heta, to, naturalna, pavialičycca kolkaść žančyn. Pierš za ŭsio, u pradstaŭničych orhanach. Čamu? Tamu što žančyny nie vielmi schilnyja ŭdzielničać u palitycy. I jany rastuć pa svajoj prafiesijnaj linii. Heta značyć, jany pačynajuć z pasady radavoha śpiecyjalista i vyrastajuć da ministra. Što ž tyčycca niepasredna palityčnaha žyćcia, naprykład, udziełu ŭ vybarach, mienavita jak kandydat na vybarnyja pasady, to da hetaj dziejnaści žančyny, ja dumaju, mienš schilnyja, čym mužčyny.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary