Kiraŭniki rehijanalnych supołak Ruchu «Za Svabodu» i Partyi BNF padali ŭ Viciebsku zajaŭku na šeście i mitynh da Dnia Voli sa zboram na adnoj z centralnych płoščaŭ horada i šeściem pa centralnaj vulicy abłasnoha centra.
Zajaŭnikami vystupili kardynatar Ruchu «Za Svabodu» pa Viciebskaj vobłaści Leanid Haravy i staršynia Viciebskaj abłasnoj arhanizacyi Partyi BNF Kastuś Smolikaŭ.
«My padali zajaŭku na Dzień Voli šeście i mitynh ŭ Viciebsku. Zbor płanujecca paśla 12-j na adnoj z centralnych płoščaŭ horada, a potym ruch pa vulicy da druhoj płoščy, dzie budzie mitynh», — skazaŭ sajtu Pyx.by Leanid Haravy. Jon nahadaŭ, što pa biełaruskim zakanadaŭstvie nielha paviedamić datu, miesca i čas masavaj akcyi, jak i padrabiaznaści maršrutu da atrymańnia dazvołu na akcyi.
Hałoŭnym łozunham akcyi, dadaŭ kaardynatar Ruchu ŭ Viciebskaj vobłaści, budzie «Za suvierennuju i niezaležnuju Biełaruś!». I heta mahčyma, kali ŭ krainie budzie efiektyŭnaja, kankurentazdolnaja ekanomika, buduć stvoranyja ŭmovy dla hodnaha žyćcia kožnaha čałavieka. Akramia taho, udzielniki mierapryjemstva abmiarkujuć sacyjalnyja i palityčnyja łozunhi: «Za admienu Dekreta № 3», «Za spynieńnie źmienaŭ piensijnaj sistemy da palapšeńnia ekanamičnaha stanovišča», «Usia ŭłada narodu na svabodnych, tajnych i adkrytych vybarach».
Leanid Haravy adznačyŭ, što ŭ ciapierašni kryzisny čas pry masavym źbiadnieńni naroda varta mirnym šlacham vyjści na nacyjanalny dyjałoh dziela vypracoŭki kursu da lepšaj Biełarusi praz praviadzieńnie svabodnych, tajnych i adkrytych vybaraŭ.
«Dzień Voli — heta taja znakavaja padzieja ŭ žyćci biełaruskaha narodu, kali patryjoty Biełarusi abviaścili niezaležnaść Biełaruskaj Narodnaj Respubliki. BSSR i Respublika Biełaruś — spadkajemcy dziaržaŭnaści BNR, i ŭ śviatočny dzień varta abmierkavać na masavym mierapryjemstvie, jak dalej dziejničać, kab suvierenitet i niezaležnaść Biełarusi ŭmacoŭvalisia, a žyćcio prostych hramadzian było hodnym», — zaklučyŭ kaardynatar Ruchu «Za Svabodu» pa Viciebskaj vobłaści.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści47
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary