«Dumaju, što siońniašni dzień uvojdzie ŭ historyju jak dzień vialikaha pierałomu ŭ raźvićci IT u Biełarusi», — zajaviŭ inviestar Viktar Prakapienia paśla naviedvańnia Alaksandram Łukašenkam u Minsku ofisaŭ IT-kampanij.
U mierapryjemstvie ŭdzielničali inviestary Viktar Prakapienia i Michaił Huceryjeŭ, a taksama pamočnik prezidenta Usievaład Jančeŭski. Havorka išła pra budučyniu raźvićcia ŭ krainie śfiery vysokich technałohij i pieratvareńni Biełarusi jak minimum u rehijanalnaha lidera pa hetym napramku, pieradaje BiełTA.
«Prezident poŭnaściu padtrymaŭ ideju stvareńnia ŭ Biełarusi IT-krainy. Heta ŭklučaje ŭ siabie vialikuju kolkaść istotnych źmien u zakanadaŭstvie i jaho ŭdaskanaleńnie», — adznačyŭ Prakapienia.
Pavodle jaho, čakajucca rašeńni pa padtrymcy praduktovaj madeli ŭ IT-biznesie, vienčurnych fondaŭ i stvareńnie dla ich naležnaha rehulatarnaha asiarodździa, padtrymka adukacyi.
«U sučasnym śviecie, i asabliva dla praduktovych kampanij, patrabujecca vialikaja kolkaść roznych śpiecyjalistaŭ. Nie tolki techničnych, ale taksama ludziej, jakija zajmajucca markietynham, dyzajnam praduktaŭ, inšymi składnikami», — skazaŭ Viktar Prakapienia.
Paśla sustrečy z kiraŭnikom dziaržavy inviestar asabliva adznačyŭ vykazanuju hatoŭnaść Alaksandra Łukašenki padtrymać nieabchodnyja źmieny.
U jakaści prykładu adnaho z prablemnych momantaŭ Viktar Prakapienia raspavioŭ pra ciažkaści z raźmiaščeńniem rekłamy na bujnych suśvietnych placoŭkach. Dla hetaha pavodle biełaruskaha zakanadaŭstva patrabujecca zachavańnie składanych biurakratyčnych pracedur, što zusim nie spryjaje efiektyŭnamu viadzieńniu biznesu.
«Ź Biełarusi siońnia kupić rekłamu na «Fejsbuku» ŭjaŭlajecca vielmi składanym pracesam. Siońniašni dekret pra Park vysokich technałohij padtrymlivaje tolki prodaž prahramnaha zabieśpiačeńnia. Jon nie padtrymlivaje madel zarobku na rekłamie, kali pieradača prahramnaha zabieśpiačeńnia adbyvajecca biaspłatna», — raspavioŭ inviestar.
Jon padkreśliŭ, što na sustrečy abmiarkoŭvaŭsia šerah nieabchodnych źmienaŭ. «Vielmi rady tamu, što dziaržava budzie praciahvać i dalej padtrymku biznesu ŭ IT-śfiery. I vielmi rady, što Biełaruś zmoža pierajści na novuju stupień raźvićcia — stvarać bolš praduktovych kampanij i być jašče bolš viadomaj va ŭsim śviecie», — dadaŭ Viktar Prakapienia.
Pa słovach Michaiła Huceryjeva, pieršy etap u raźvićci IT-śfiery ŭ Biełarusi ŭ apošnija hady byŭ paśpiachova realizavany.
«Siońnia havorka idzie pra druhi krok — ab pryniaćci dadatkovych narmatyŭnych aktaŭ, što dazvolić zrabić siońniašniuju Biełaruś adnoj z najbolš prasunutych krain u śviecie pa raźvićciu IT-technałohij», — skazaŭ paśla sustrečy z Łukašenkam Michaił Huceryjeŭ.
Kamientary