Kiraŭnik Nacpalicyi Ukrainy Siarhiej Kniazieŭ raspavioŭ, čamu da hetaha času nie raskrytaje zabojstva biełaruskaha žurnalista Paŭła Šaramieta, a taksama raskryŭ niekatoryja padrabiaznaści rasśledavańnia, piša tut.by.
Kniazieŭ zajaviŭ, što zabojstva žurnalista da hetaha času nie raskrytaje, tamu što złačynstva ździejśnili ludzi, «jakija vielmi staranna da jaho padrychtavalisia i maksimalna źmienšyli kolkaść svaich pamyłak».
Na pytańnie žurnalista DW, čamu ž pravaachoŭniki nie mohuć znajści zabojcaŭ žurnalista, kali hetych ludziej źniali videakamiery, Kniazieŭ nie zmoh dać vyraznaha adkazu.
«Tak. Jany jość na videazapisach, jakija my sabrali ŭ pieršyja try dni paśla zabojstva. Uvieś hety čas my vyvučali zapisy, pravieryli vialikuju kolkaść infarmacyi. Vyniki pakazali ŭ lutym. Paviercie, nad rasśledavańniem hetaj spravy pracuje vialikaja kolkaść ludziej u palicyi. Paralelna pracuje i ciesna supracoŭničaje z nami jašče i ceły departamient SBU. Adnak uvieś niehatyŭ — heta dastajecca nam», — adznačaje jon.
Pa słovach Kniazieva, palicyja siarod inšych viersij razhladaje i dačynieńnie da zabojstva bajcoŭ Nachvardyi. Pavodle sudovych materyjałaŭ, palicyjanty prasili dostup da telefonnych zvankoŭ, ździejśnienych ź miesca raźmiaščeńnia bazy pałka «Azoŭ».
Kiraŭnik Nacpalicyi zajaviŭ, što infarmacyju prychodzicca źbirać pa drabniutkich detalach.
«A jość jašče viersija zabojstva nie na 100 pracentaŭ kryminalnaja — u joj davodzicca źbirać infarmacyju pa krupinkach».
U lutym hetaha hoda kiraŭnik Ministerstva ŭnutranych spraŭ Ukrainy Arsien Avakaŭ zajaviŭ, što ŭ zabojstvie biełaruskaha žurnalista Paŭła Šaramieta prasočvajecca «ruka Kramla». Nie adkidvaŭ jon i imaviernaść «biełaruskaha śledu».
Tym časam ukrainskija kalehi Šaramieta nie ŭpeŭnienyja, što pravaachoŭnyja orhany raskryjuć złačynstva, i pravodziać ułasnaje rasśledavańnie jaho hibieli.
Kamientary