«Baćkaŭščyna» moža zastacca biez pamiaškańnia i bieź jurydyčnaha adrasu

3 traŭnia 2006 h. MHA «ZBS «Baćkaŭščyna» atrymała list ad kamunalnaha budaŭniča-ekspłuatacyjnaha ŭnitarnaha pradpryjemstva «Minskaja spadčyna». U liście paviedamlajecca, što:

«U adpaviednaści z rašeńniem Minharvykankama ad 20 krasavika 2006 hoda № 766 «Ab zaćviardžeńni prajektna-kaštarysnaj dakumientacyi i dazvołu vytvorčych budaŭniča-mantažnych prac i ŭniasieńni źmien u pakazčyki prahnozu sacyjalna-ekanamičnaha raźvićcia horada Minska na 2006 hod» KUP «Minskaja spadčyna» dazvolena vytvorčaść budaŭniča-mantažnych prac pa abjektu «Rekanstrukcyja z prystasavańniem budynka № 15 pa vuł. Revalucyjnaj...»

U vyniku – «Baćkaŭščyna vymušana budzie vysielicca z pamiaškańnia. Pry hetym zastajecca absalutna niezrazumiełym, ci zmoža arhanizacyja siudy viarnucca paśla kapramontu.

Sprava ŭ tym, što 02.04.1992 h. Saviet Ministraŭ pryniaŭ pastanovu № 184 «Pytańni Zhurtavańnia biełarusaŭ śvietu «Baćkaŭščyna», zhodna ź jakoj dziaržaŭnym orhanam Respubliki Biełaruś rekamiendavałasia akazać dapamohu MHA «ZBS «Baćkaŭščyna» ŭ stvareńni ŭ h. Minsku kulturnaha centru dla zabieśpiačeńnia patrebaŭ biełaruskaj dyjaspary, a Minharvykankamu daručałasia zabiaśpiečyć našu arhanizacyju pamiaškańniem dla raźmiaščeńnia stvarajemaha kulturnaha centru i kirujučych orhanaŭ abjadnańnia. Pa rašeńni Minharvykankama pamiaškańnie pa vulicy Revalucyjnaj, 15, było pradstaŭlena ŭ arendu da 2018 hoda.

Pa stanu na 2006 hod Mižnarodnaje hramadskaje abjadnańnie «Zhurtavańnie biełarusaŭ śvietu «Baćkaŭščyna» ŭ miežach realizacyi kancepcyi Biełaruskaha doma stvaryła i aktyŭna papaŭniaje archiŭ, muziej, biblijateku biełaruskaj dyjaspary, jakoj siońnia karystajucca studenty i navukoŭcy. Stvorany infarmacyjny centr, jakim nazapašany vielizarny bank infarmacyi. Zhurtavańniem užo sabrana ŭnikalnaja baza dadzienych biełaruskich hramadskich abjadnańniaŭ za miažoj, biełaruskich biblijatek, navukovych i kulturnych centraŭ, fondaŭ, pomnikaŭ kultury i architektury.

Za pieryjad svajoj dziejnaści MHA «ZBS «Baćkaŭščyna» vykonvaje prahramy, jakija majuć dziaržaŭnaje značeńnie, ŭnikalnyja pa svaim charaktary. «Baćkaŭščyna» siońnia źjaŭlajecca adzinym hramadska-aktyŭnym centram pa supracy ź biełaruskimi asiarodkami za miažoj, jaki maje dobruju reputacyju siarod roznych biełaruskich dyjaspar u śviecie.

Zaraz ža «Minskaja spadčyna» choča ŭ adnabakovym paradku skasavać damovu arendy, chacia jurydyčnych padstavaŭ, adpaviedna vyšej uzhadanym damovie ź Minharvykankamam i pastanovie Savietu Ministraŭ, takim dziejańniam niama.

Dla nas strata damovy ab arendzie – heta strata jurydyčnaha adrasu. Nakolki ciažka ŭ siońniašnich umovach atrymać jaho hramadskamu abjadnańniu – viedajuć mnohija.

Kiraŭnictva «Baćkaŭščyny» prykładaje ŭsie namahańni, kab nie tolki znajści novaje pamiaškańnie, ale i zachavać isnujučuju damovu arendy, bo heta krajnie važna nie tolki dla samoj arhanizacyi, ale i dla isnavańnia Biełaruskaha domu, jaki ŭ hetym pamiaškańni ciaham apošniaha času stvarajecca.

Infarmacyjny centr MHA «ZBS «Baćkaŭščyna»

• 0
• 0
• 0
• 0
• 0
• 0
• 0
• 0