Niaviesta Łazoŭskaha: Mirasłava pryviali ŭ kryvi i ŭ kajdankach
Karespandent Svabody pahutaryŭ ź niaviestaj zatrymanaha ŭčora Mirasłava Łazoŭskaha Śviatłanaj.
Śviatłana płača, uzhadvajučy toje, jak učora ŭviečary ludzi ŭ cyvilnym i dvoje ŭ čornaj vopratcy dy ŭ maskach na tvarach pryvieźli Mirasłava damoŭ i pravodzili pieratrus.
«Byŭ źbity, tvar u kryvi. Zaviali ŭ kajdankach i pasadzili na zedlik tvaram da ściany. Dazvolili tolki dać papić, razmaŭlać nie dazvolili».
Pavodle Śviatłany, na čas pieratrusu byli zaprošanyja ŭ jakaści paniatych dźvie susiedki. Z zabranych rečaŭ Śviatłana pamiataje kampjutar, jejny płanšet. «Skazali, što dla pravierki».
Taksama byli zabranyja «niejkija rečy ź simvolikaj Ukrainy» i šeŭron arhanizacyi «Bieły lehijon».
Pavodle Śviatłany, čałaviek, jaki pravodziŭ pieratrus, paćvierdziŭ, što jon źviazany z zaklikami da ŭzbrojenaj baraćby, jakija źjavilisia ŭ internecie nibyta ad imia Mirasłava Łazoŭskaha.
«Jahony akaŭnt u fejsbuku byŭ uzłamany, źjaviŭsia hety zaklik, da jakoha jon nie maje dačynieńnia. Jamu zvanili siabry i pytalisia, ci ty viedaješ pra heta, što ad tvajho imia raspaŭsiudžvajuć? Jon viedaŭ, a što zrobiš?»
Śviatłana nie viedaje, dzie ciapier trymajuć jaje lubimaha čałavieka, i kaža, što vielmi za jaho niepakoicca.
Kamientary