ALDE Group u Jeŭrapiejskim parłamiencie rašuča asudžaje masavaje padaŭleńnie akcyj pratestu ŭ Biełarusi, paviedamlaje pres-słužba ALDE (Aljans libierałaŭ i demakrataŭ za Jeŭropu).
Člen Jeŭraparłamienta Chans van Baalen, kaardynatar hrupy ALDE ŭ Kamitecie pa zamiežnych spravach, zajaviŭ:
«U Biełarusi tysiačy ludziej vyjšli na vulicy ŭ mirnaj akcyi pratestu, ale byli masava aryštavanyja. Kali Biełaruś sapraŭdy choča palepšyć svaje suviazi z Zachadam i pamienšyć zaležnaść ad Rasii, to jana pavinna spynić dziejničać padobnym čynam u dačynieńni da apazicyi i pratestoŭcaŭ. A biełaruskija ŭłady pavinny nieadkładna vyzvalić usich palityčnych źniavolenych».
Člen Jeŭraparłamienta Pietras Aŭštravičus zajaviŭ, što heta najhoršy hvałt uładaŭ u dačynieńni da biazzbrojnych hramadzianskich asob za apošnija 7 hadoŭ:
«Represii ŭ adnosinach da pratestoŭcaŭ u Biełarusi biesprecedentnyja pa maštabach z 2010 hoda. Na žal, jany nastupajuć roŭna praz hod paśla rašeńnia Rady ES ab ustupleńni ŭ tak zvanuju palityku adnaŭleńnia ŭzajemadziejańnia ź Minskam. Prezident Łukašenka prajaviŭ «uzajemnaść», sfalsifikavaŭšy parłamienckija vybary ŭ vieraśni 2016 hoda, zachavaŭšy śmiarotnaje pakarańnie i represujučy mirnych demanstrantaŭ na vulicach Minska i pa ŭsioj krainie. Ja pierakanany, što pazicyja ES u dačynieńni da režymu Łukašenki pamyłkovaja i pavinna tryvalej hruntavacca na kaštoŭnaściach ES. Jeŭrasajuz pavinien prypynić svaju finansavuju dapamohu, jakaja nakiroŭvajecca niepasredna ŭradu Łukašenki, a zamiest hetaha padtrymać tych, chto imkniecca da jeŭrapiejskaj i demakratyčnaj Biełarusi. Usie asoby, vinavatyja ŭ hvałtoŭnych dziejańniach, pavinny być uklučanyja ŭ śpis sankcyj».
-
U Bierlinie dziasiatki tysiač žycharoŭ zastalisia bieź śviatła praz dyviersiju
-
Zialenski, Makron i Starmier padpisali dekłaracyju ab razhortvańni va Ukrainie zamiežnaha kantynhientu
-
Va Ukrainu nie puścili italjanca ŭ vyšyvancy, jaki darohaj nachvalvaŭ Pucina. Praz Threads za im sačyli dziasiatki tysiač čałaviek
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary