Barbara i Duhłas Fink z kanadskaha Edmantana vyjhrali treciuju łatareju za čas sumiesnaha žyćcia. Ciapierašni vyjhryš staŭ dla pary samym bujnym i skłaŭ 8,2 młn kanadskich dalaraŭ (6,1 młn dalaraŭ ZŠA).
Da hetaha im udavałasia vyjhrać 128 tysiač kanadskich dalaraŭ u 1989 hodzie — tady jany padzialili sumu z čatyrma siabrami — i jašče 100 tysiač u 2010 hodzie.
Pavodle pres-relizu Zachodniekanadskaj łatarei, suma, jakaja ŭ vyniku dastałasia im ciapier, była najbujniejšym džekpotam, kali-niebudź razyhranym kampanijaj. Akramia Finkaŭ tolki adzin pakupnik łatarejnaha bileta adhadaŭ usie šeść ličbaŭ dakładna.
Muž i žonka ŭžo vyznačylisia, jak vydatkavać hrošy. «Siamja pierš za ŭsio: chočam, kab dočkam i ŭnukam usiaho chapała», — skazała arhanizataram łatarei Barbara Fink.
Jaje muž Duhłas dadaŭ, što taksama jany majuć namier pavandravać i nabyć novaje žyllo: «Barbara choča novy dom, i jana jaho atrymaje», — vykazaŭ upeŭnienaść mužčyna.
Jak uspaminaje Barbara Fink, jana daviedałasia pra vyjhryš, kali muž pracavaŭ za horadam, u suviazi z čym nie adkazaŭ adrazu na jaje nastojlivy zvanok pa mabilnym. Adnak praź piać chvilin joj udałosia datelefanavacca da muža. «Jon źniaŭ słuchaŭku, i ja prakryčała, što zrabiła heta znoŭ», — skazała jana.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści41
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary