Vidavočcy: elektryčka, jakaja sutyknułasia ź ciahnikom «Maskva - Brest», mieła niaspraŭnyja tarmazy

Sutyknieńnie ciahnika «Maskva - Brest» z pryharadnaj elektryčkaj adbyłosia niepadalok ad vakzała na zachadzie Maskvy, kali sastaŭ jašče nabiraŭ chutkaść. U vyniku sutyknieńnia mocna paškodžany łakamatyŭ i čatyry vahony syšli z rejek.

Sutyknieńnie adbyłosia paśla ekstrannaha tarmažeńnia elektraciahnika. Mašynist užyŭ jaho z-za čałavieka, jaki pierachodziŭ čyhunačnyja šlachi ŭ nienaležnym miescy. Paśla hetaha sastaŭ nie zmoh praciahnuć ruch napierad i skaciŭsia ŭniz.

Za elektryčkaj na nievialikaj adlehłaści ruchaŭsia ciahnik «Maskva - Brest». Mienavita ź im i sutyknułasia elektryčka.

Miž tym słovy pasažyraŭ nie zusim paćviardžajuć aficyjnuju viersiju. Jany havorać ab niaspraŭnaści tarmazoŭ.

— Byŭ u elektryčcy hetaj padčas sutyknieńnia. Spačatku spynilisia, nie dajechaŭšy da stancyi Kuncava. Chvilin 15—20 mašynisty vyrašali prablemu, pryčym usie pieramovy išli pa hučnaj suviazi. Stała zrazumieła, što admovili tarmazy… Ciahnik pakaciŭsia pad uchił u advarotnym kirunku ruchu. Usie łamanulisia da pieršaha vahona… Mašynist niekalki razoŭ papiaredziŭ: trymajciesia. Ciahnik nabraŭ prystojnuju chutkaść. Potym bac — i ŭdar. Tych, chto stajaŭ na nahach, pavaliła na padłohu. Sutyknulisia z spadarožnym ciahnikom dalokaha nakiravańnia, jon, mabyć, stajaŭ na miescy… - raspavioŭ Łajfu mužčyna.

U svaju čarhu pasažyry ciahnika «Maskva - Brest» raspaviali Łajfu, jak adbyłasia avaryja:

— My vyjechali ź Biełaruskaha vakzała, potym spynilisia i prapuskali ciahniki, čatyry ciahniki prapuścili, piaty urezaŭsia ŭ nas, udar byŭ takoj siły, što ŭsie vylecieli sa svaich miescaŭ, - kaža adna z pasažyrak ciahnika «Maskva - Brest». - Nam patłumačyli, što ŭ toj elektryčki admovili tarmazy, tamu jana ŭrezałasia ŭ naš ciahnik. Jašče kazali pra strełačny pieravod, što spracavaŭ niapravilna miechanizm.

- Ciahnik ź Biełaruskaha vakzała pajšoŭ adrazu ŭ 22:03. Chvilin dziesiać jon prajechaŭ i potym spyniŭsia, stajaŭ chvilin 20. Pasažyry - chto na vierchniuju palicu zalez, chto pieraapranaŭsia. Adbyŭsia ŭdar, potym - nastupny ŭdar. Usio papadała, i ź nižnich palic, i ź vierchnich, - raspaviała inšaja pasažyrka. - U nas mocna paciarpiełych nie było, byli ŭdary. U žančyny akazalisia dva złamanyja rabry. Ja voś u špitali hadziny dźvie prabyła. 

Ab niaspraŭnaści tarmaznoj sistemy ŭ elektraciahniku zajaŭlajuć i krynicy ŭ ekstranych słužbach.

- Mašynist elektryčki sprabavaŭ zatarmazić, ale sistema nie spracavała. U vyniku ekstranaha tarmažeńnia adbyłosia adkatvańnie i spadarožnaje sutyknieńnie pryharadnaha ciahnika i pasažyrskaha ciahnika «Maskva - Brest». Pry hetym z rejek syšli łakamatyŭ pasažyrskaha ciahnika i dva vahona elektryčki, - raspaviała krynica.

Dakładnyja pryčyny avaryi vyznačyć śpiecyjalnaja techničnaja kamisija i śledčyja orhany.

Abodva ciahniki išli na nievialikaj adlehłaści adzin ad adnaho z-za ramontnych rabot, jakija pravodziacca na hetym kirunku. Usie ciahniki byli vymušanyja iści faktyčna pa adnym puci. Z-za hetaha, pa dadzienych Łajf, ruch na Biełaruskim kirunku byŭ abciažarana ŭvieś dzień. Puci byli pierakrytyja z-za ramontnych prac, z-za čaho ciahniki išli sa spaźnieńniem.

- Heta źviazana ź pieranosam padradnaj arhanizacyjaj terminaŭ ramontnych rabot na pierahonie Kuncava - Adzincova Biełaruskaha kirunku Maskoŭskaj čyhunki, - skazali pradstaŭniki MŽD.

Krynica ŭ MŽD paćvierdziła, što ruch na hetym učastku ažyćciaŭlaŭsia pa adnym puci z vykarystańniem varyjantnaści hrafika.

• 0
• 0
• 0
• 0
• 0
• 0
• 0
• 0