Ułady Kazachstana pryniali rašeńnie pieravieści kazachski ałfavit z kirylicy na łacinku. Prezident Kazachstana Nursułtan Nazarbajeŭ abviaściŭ, što ŭradu dadziena daručeńnie skłaści hrafik pieravodu ałfavitu.
Adziny standart novaha kazachskaha ałfavita i hrafiki na łacincy, napisaŭ Nazarbajeŭ u artykule, apublikavanym u haziecie «Jehiemien Kazachstan», płanujecca raspracavać da kanca 2017 hoda.
«Z 2018 hoda treba rychtavać śpiecyjalistaŭ dla navučańnia novamu ałfavitu i vypuskać padručniki dla siaredniaj škoły. U najbližejšyja dva hady treba pravieści arhanizacyjnuju i mietadyčnuju rabotu», — dadaŭ kiraŭnik dziaržavy.
Miarkujecca, paviedamiŭ Nazarbajeŭ, što spačatku razam z łacinkaj budzie vykarystoŭvacca kirylica.
Pierachod na łacinku płanujecca zaviaršyć da 2025 hoda.
Na dumku Nazarbajeva, pierachod Kazachstana na kirylicu ŭ 1940-m hodzie nasiŭ palityčny charaktar.
Nursułtan Nazarbajeŭ zajaviŭ, što pierachod na łacinku nie mianiaje hieapalityčnych pazicyj respubliki, pieradaje pres-słužba kiraŭnika dziaržavy. «Sioj-toj zusim biespadstaŭna ŭbačyŭ u hetym niejkaje «śviedčańnie» źmieny hieapalityčnych pieravah Kazachstana. Ničoha takoha. Nakont hetaha skažu adnaznačna. Pierachod na łacinku — heta ŭnutranaja patreba ŭ raźvićci i madernizacyi kazachskaj movy», — skazaŭ prezident Nazarbajeŭ.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary