«Ja nie kazaŭ, što heta nacyzm»: psichołah ź filma BT, jaki ŭbačyŭ u «Biełym lehijonie» nacystaŭ
«Naša Niva» źviazałasia z Andrejem Miacielskim — psichołaham, jaki ŭ «rasśledavańni» BT viešaje na «Bieły lehijon» cetliki nacystaŭ, hruntujučysia na videa, jakoje jamu «pakazali».
«Karaciej, heta nacyzm», — takaja fraza, aproč inšych, naležyć Miacielskamu.
Andrej Miacielski. Fota econet.ru
My paprasili jaho bolš dokazana patłumačyć, jakija mienavita fakty spryjali takoj vysnovie.
Praŭda, Miacielski admoviŭsia ad svajoj traktoŭki, skazaŭšy, što nie nazyvaŭ «lehijanieraŭ» naŭprost nacystami, a tolki što «nacysty tak svaje idei prapahandavali».
«Nacysty hetaksama rabili, adzin u adzin, — kaža psichołah. — Naprykład, «Ałachu Akbar» vyklikaje ŭ śviadomaści ahresiju i zamacoŭvaje jaje ŭ pavodzinach. Prostaje słovazłučeńnie. Hetaksama jość muzyka i videašerah, jakija vyklikajuć takija emocyi. Toj rolik, jaki ja pahladzieŭ, vyklikaje ahresiju, złość, imknieńnie razburać».
Miacielski zapeŭniŭ, što nie ličyć nacysckaj bieł-čyrvona-biełuju simvoliku, a kali tak, maŭlaŭ, i možna padumać, sychodziačy ź videa, to heta «mahčyma, žurnalisty pryplali».
«Ja nie pretenduju na niejkaha vialikaha ekśpierta pa roznych nacyjanalistyčnych spravach. Ale ideja musić być niejkaja. Ja ž nie skazaŭ, što heta nacyzm-prapahanda, ja skazaŭ, što z hetaha i nacysty pačynali», — paŭtaryŭ Miacielski.
Pra svajo šedeŭralnaje abhruntavańnie «chłuśni» Niaklajeva («Jon čuchajecca. Kali ja ŭ Maskvie na vakzale šaurmu kuplaju i pytajusia, ci nie z kotki jana, a pradaviec čuchajecca i kaža «nie», to ja nie kuplaju»), Miacielski skazaŭ tak:
«Treba vyśviatlać u kantekście, mnie ž tolki videa pakazali, mnie huk nie ŭklučali».
Varta dadać, što da pasłuhaŭ hetaha psichołaha dziaržaŭnyja televizijščyki ŭžo źviartalisia raniej — tady Miacielski spatrebiŭsia im dla kampramietacyi tahačasnaj staršyni Biełaruskaj asacyjacyi žurnalistaŭ Žanny Litvinoj. Dla BT jon skazaŭ, što tvar Litvinoj «vykazvaje złość, ahidu, adrynańnie i imknieńnie schavać praŭdu».
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m44
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary