Padrabiaznaści ab parušeńni pavietranaj miažy Biełarusi litoŭskim samalotam raspavioŭ u siužecie telekampanii «VajenTB» kamandujučy Vajskova-pavietranymi siłami i vojskami supraćpavietranaj abarony Uzbrojenych Sił Respubliki Biełaruś Aleh Dvihaloŭ.
«19 krasavika 2017 hoda ŭ 13:36 dziažurnymi radyjołakacyjnymi srodkami vajenna-pavietranych siłaŭ i vojskaŭ supraćpavietranaj abarony Respubliki Biełaruś byŭ vyjaŭleny lohkamatorny samalot u rajonie Vilniusa, jaki ažyćciaŭlaje palot u kirunku dziaržaŭnaj miažy Respubliki Biełaruś», - adznačyŭ Aleh Dvihaloŭ. Jon padkreśliŭ, što ŭ adpaviednaści z pahadnieńniem ab abmienie infarmacyjaj litoŭski bok byŭ painfarmavany ab mahčymym parušeńni dziaržaŭnaj miažy pavietranym sudnam.
«Ale pavietranaje sudna praciahnuła palot i ŭvajšło ŭ pavietranuju prastoru našaj dziaržavy, paśla čaho zrabiła manieŭr i viarnułasia na terytoryju Litvy. Varta ŭličvać, što parušeńnie adbyłosia pablizu Biełaruskaj AES, jakaja budujecca», - raspavioŭ Aleh Dvihaloŭ.
Pavodle jaho słoŭ, parušalnik dziaržaŭnaj miažy byŭ identyfikavany jak hramadzianskaje pavietranaje sudna. U adpaviednaści z normami mižnarodnaha pavietranaha pravy, a taksama zakanadaŭstva Biełarusi, siłavyja miery da hetaha samalota nie ŭžyvalisia.
Jak adznačyŭ kamandujučy VPS i SPA, niahledziačy na dobrasusiedskija adnosiny ź Litvoj, chaciełasia b razumieńnia važnaści vykanańnia pahadnieńnia, datrymańnia mižnarodnaha zakanadaŭstva, niedapuščeńnia takich parušeńniaŭ. «Vajskova-pavietranyja siły i vojski SPA, kali takija vypadki paŭtoracca, vymušanyja buduć prymianić i siłavyja miery ŭździejańnia. Chočacca vieryć, što toje była nienaŭmysnaja pamyłka piłota, a nie śpiecyjalna spłanavanaja akcyja», - adznačyŭ Aleh Dvihaloŭ.
U siužecie taksama padkreślivałasia, što Biełaruś stroha trymajecca norm mižnarodnaha pavietranaha pravy i ŭ pravie raźličvać na zachavańnie pryncypu suvierenitetu svajoj pavietranaj prastory z boku krain-susiedziaŭ.
Faktaraŭ niepieraadolnaj siły abo avaryjnaj situacyi, jakija mahli b apraŭdać parušeńnie pavietranaj miažy, nie było vyjaŭlena.
Jak paviedamlałasia raniej, Biełaruś zajaviła pratest pa fakcie parušeńnia dziaržmiažy Biełarusi litoŭskim pavietranym sudnam. U Ministerstva zamiežnych spraŭ Biełarusi 22 krasavika byŭ vyklikany pasoł Litoŭskaj Respubliki ŭ Respublicy Biełaruś Andrus Pułokas. Padčas sustrečy kiraŭniku litoŭskaj dypmisii była ŭručana nota, u jakoj biełaruski bok zajaviŭ pratest u suviazi z zafiksavanym faktam parušeńnia Dziaržaŭnaj miažy Respubliki Biełaruś litoŭskim pavietranym sudnam.
Parušeńnie dziaržaŭnaj miažy z boku Litvy zafiksavana 19 krasavika 2017 hoda ŭ 13 hadzin 40 min. Pavietranaje sudna pahłybiłasia na terytoryju Biełarusi na adlehłaść da 8 km i ŭ 13 hadzin 43 min., Ździejśniŭšy razvarot, vyjšła za miežy pavietranaj prastory Biełarusi. Uvieś čas znachodžańnia ŭ pavietranaj prastory Biełarusi samalot kantralavaŭsia srodkami supraćpavietranaj abarony. Biełaruski bok čakaje tłumačeńniaŭ z nahody incydentu, padkreślivajecca ŭ nocie MZS.
Kamientary