Pieršaja sieryja biełaruskamoŭnaha chorar-sieryjała, nad jakim pracuje kamanda maładych tvorcaŭ ź Minska, nazyvajecca «Hałavu składzieš». U čaćvier, 28 krasavika, jaje vykłali ŭ adkryty dostup.
Siužet sieryjała «Zaklatyja skarby» źniaty pa matyvach tradycyjnych biełaruskich lehiendaŭ dy padańniaŭ. Aŭtar idei prajekta — režysior Sierž Aŭsianik. Nad scenarom pracavali Źmicier Škradziuk, Sierž Aŭsianik i litaratarka Valaryna Kustava.
Płanujecca, što ŭ pieršym siezonie novyja sieryi buduć vychodzić štomiesiac. Pieršuju aŭtary źniali za svoj košt.
«My budziem vielmi radyja, kali znojducca tyja, chto zachočuć nas padtrymać. Ciapier my šukajem srodki, kab zrabić naša kino jašče bolš jakasnym: nabyć hrym, maski, palepšyć dekaracyi, hrafiku, zaprasić cikavych akcioraŭ», — kažuć stvaralniki sieryjała.
Heta debiut u mastackim kino i dla scenarystaŭ, i dla režysiora.
Hałoŭnyja roli ŭ pieršaj sieryi «Hałavu składzieš» vykanali frontmen «Niejra Dziubiela» Alaksandr Kulinkovič i małady artyst Vasil Bojdak.
Kali chočacie dapamahčy prajektu, listujcie: [email protected]
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie14
Kamientary