Vienhryja zaviaršyła budaŭnictva druhoha aharodžy na miažy ź Sierbijaj. Płot maje vyšyniu 3 mietry, praciahłaść 155 mietraŭ i «zdolny spynić luby natoŭp ludziej», paviedamiŭ vienhierski premjer-ministr Viktar Orban, čyje słovy pryvodzić VVS sa spasyłkaj na Rejter.
Daŭžynia sierbska-vienhierskaj miažy składaje 175 kiłamietraŭ.
Pieršyja aharodžy na miažy Budapiešt pabudavaŭ u 2015 hodzie, sprabujučy spynić patok siryjskich biežancaŭ z poŭdnia. U sutyčkach ź mihrantami vienhierskaja palicyja aktyŭna ŭžyvała vadamioty i ślozaciečny haz.
U tym ža hodzie Vienhryja ŭźviała anałahičnuju pieraškodu na miažy z Charvatyjaj.
Sierbija nie ŭvachodzić u Jeŭrapiejski sajuz. Dla Charvatyi — siabra ES — Šenhienskaje pahadnieńnie ab spraščeńni pašpartna-vizavaha kantrolu jašče nie ŭstupiła ŭ siłu.
Viktar Orban viadomy jak žorstki praciŭnik svabody mihracyi i palityki adkrytych miežaŭ dla biežancaŭ ź Siryi. U sakaviku kiraŭnik urada nazvaŭ jeŭrapiejskuju mihracyjnuju palityku «trajanskim kaniom teraryzmu» i pahrozaj dla «chryścijanskaj identyčnaści».
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary