Lidar rasijskaj apazicyi Alaksiej Navalny napisaŭ u svaim błohu, što jaho pravaje voka, apiečanaje zialonkaj 27 krasavika, moža pierastać bačyć całkam, pakolki lačeńnie pakul nie daje vynikaŭ.
Na jaho dumku, toj fakt, što chimičny apiok, dyjahnastavany ŭ jaho paśla napadu nieviadomaha, da hetaha času nie prajšoŭ, moža śviedčyć ab tym, što da zialonki było padmiašiaaje niejkaje inšaje źjedlivaje rečyva.
Nieviadomy mužčyna, nie kažučy ni słova, abliŭ palityka zialonkaj paśla vystupu na forumie ŭ Maskvie 27 krasavika. Heta byŭ užo druhi napad na Navalnaha z užyvańniem hetaha antysieptyku — pieršy raz jaho ablili zialonkaj u Barnaule 20 sakavika. Navalny za apošnija miesiacy nie raz padviarhaŭsia i inšym napadam.
«U Barnaule mnie pyrsnuli zialonkaj prosta ŭ vočy z humovaj hrušy — vielmi piakło i rezała, ale praz 10 chvilin ja narmalna bačyŭ, vočy nie apuchali, białki zastalisia biełymi», — paraŭnaŭ Navalny dva napady.
Maskoŭskaja palicyja paviedamlała, što pa zajavie Navalnaha 27 krasavika pravodziłasia pravierka. Sam paciarpieły paviedamiŭ, što hetaja pravierka ni da čaho nie pryviała.
«Nijakaha rasśledavańnia, viadoma, nie budzie. Vuń, kryminalnuju spravu da hetaha času nie raspačali. Mianie navat nie apytaŭ nichto, choć zajava adrazu napisanaja była», — napisaŭ Navalny.
U arhanizacyi napadu palityk abvinavaciŭ administracyju prezidenta. «Tak, niepasredna sa šklanačkami zialonki biehajuć ŭsiakija NODaŭcy, ale ŭ ich pastajanna dakładnyja danyja ab maich pierasoŭvańniach, haścinicach, kvitkach, adlotach/prylotach. […] Zrazumieła, što danymi z baz i danymi vonkavaha nazirańnia ich zabiaśpiečvajuć śpiecsłužby», — napisaŭ Navalny.
Kreml pakul nijak nie kamientavaŭ śćvierdžańni apazicyjaniera.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary