Pierśpiektyvy supracoŭnictva sa šviejcarskaj trejdynhavaj kampanijaj Glencore International AG abmiarkoŭvalisia ŭ piatnicu na sustrečy prezidenta Biełarusi Alaksandra Łukašenki z kiraŭnictvam hetaj kampanii, paviedamiła pres-słužba kiraŭnika dziaržavy.
«Šmat pra vas čuŭ, ab vašych pośpiechach ŭ biznesie apošnim časam. Napeŭna, nienarmalna, što takaja mahutnaja kampanija — šostaja ŭ Jeŭropie — nie maje nijakaha biznesu, nie maje narmalnych vytvorčych kantaktaŭ u Biełarusi», — skazaŭ kiraŭnik dziaržavy.
«Chacieŭ by, kab my damovilisia i zmahli razam pracavać pa tych ci inšych kirunkach», — dadaŭ Łukašenka.
Na sustrečy prysutničali hienieralny dyrektar kampanii Ajvan Hłazienbierh i inšyja pradstaŭniki Glencore, a taksama rasijski biznesmen Michaił Huceryjeŭ.
Glencore International AG - adzin z najbujniejšych u śviecie pastaŭščykoŭ syravinnych tavaraŭ i redkaziamielnych mietałaŭ. Pradstaŭlajučy zdabyŭnyja pradpryjemstvy i kampanii ŭsiaho śvietu, Glencore pastaŭlaje mietały, minierały, syruju naftu, pradukty naftapierapracoŭki, vuhal, sielskahaspadarčuju pradukcyju svaim zakazčykam u aŭtamabilnaj, mietałurhičnaj, charčovaj i enierhietyčnaj halinach.
Huceryjeŭ i Glencore źjaŭlajucca asnoŭnymi ŭłaśnikami «Ruśśniefť», vałodajučy adpaviedna 60% i 25% kampanii. «Ruśśniefť» - šostaja pa abjomach zdabyčy nafty ŭ Rasii kampanija.
Kamientary