Hajdukievičy pieradumali: ŁDP zdymaje z paradku dnia pytańnie pra bčb-ściah
Na minułym tydni dla mnohich niečakanaściu stała zajava Libieralna-demakratyčnaj partyi Biełarusi ab tym, što jany buduć dabivacca nadańnia bieł-čyrvona-biełamu ściahu statusu kulturna-histaryčnaj spadčyny.
U šmatlikich intervju heta paćvierdzili i kiraŭnik ŁDP Siarhiej Hajdukievič i jahony namieśnik Aleh Hajdukievič.
Adnak 21 červienia partyja niečakana «pieradumała».
«My zdymajem z paradku dnia niadaŭniuju zajavu partyi pra simvoliku! U svajoj zajavie my rabili akcent na kulturna-histaryčnych pytańniach, ale jaho adrazu ž palityzavali, a heta krainie nie treba, u nas chapaje prablem i vyklikaŭ, tamu heta nie aktualna i nie pryniasie zhody ŭ hramadstva! Zajmacca hetymi pytańniami pavinny historyki, kulturnyja dziejačy, a nie palityki, dla mnohich heta vielmi balučaja tema, źviazanaja z pamiaćciu ab Vialikaj ajčynnaj vajnie.
Pa-druhoje, partyju pasprabavali vykarystać u svaich metach radykalnyja palityčnyja siły, a dla nas heta nieprymalna! Ale my praciahniem vystupać za toje, kab abjadnać usio najlepšaje, što było ŭ darevalucyjnaj Biełarusi, BSSR i ciapierašniaj niezaležnaj Biełarusi! My pierakananyja, što Biełaruś — heta nie tolki BSSR, ale i ŭsia naša historyja ad VKŁ da sučasnaj Biełarusi! My praciahniem padtrymlivać usio, što źviazana z umacavańniem niezaležnaści, suvierenitetu i słaŭnaj historyi našaj krainy!» — napisaŭ na svajoj staroncy ŭ fejsbuku namieśnik staršyni ŁDP Aleh Hajdukievič.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary