Sienatarka z Aŭstralii Łarysa Uoters, jakaja ŭ mai ŭpieršyniu ŭ historyi pakarmiła dzicia hrudźmi na pasiadžeńni parłamienta, u čaćvier zrabiła jašče adzin krok u baraćbie za pravy maładych maci. Jana vystupiła pierad kalehami, nie vypuskajučy dačku z ruk, piša Tut.by.
Žančyna moža być i maci, i palitykam adnačasova. I aŭstralijka Łarysa Uoters jašče raz heta dakazała. Prosta ŭ zale fiederalnaha parłamienta. Sienatar ad partyi zialonych uniesła na abmierkavańnie prapanovu pa baraćbie z chvarobaj «čornych lohkich», nie vypuskajučy z ruk svaju trochmiesiačnuju dačku. Uoters praciahvała karmić dziaŭčynku i padčas vystupu, i padčas hałasavańnia.
U mai sienatarka stała pieršaj žančynaj u aŭstralijskim parłamiencie, jakaja advažyłasia prykłaści dzicia da hrudziej prosta ŭ zale. Mienavita 40-hadovaja maci dvaich dziaciej Uoters była inicyjataram źmieny praviłaŭ, jakija zabaraniajuć žančynam karmić padčas pasiadžeńniaŭ. Jana ŭpeŭnienaja, što ŭ palitycy pavinna być bolš baćkoŭ.
Kamientary