Hramadzianina Biełarusi zatrymali ŭ Čarnihavie, padazrajuć u špijanažy
U Čarnihavie zatrymali biełarusa pavodle padazreńnia ŭ zbory infarmacyi, što składaje dziaržaŭnuju tajamnicu, i jaje pieradačy zamiežnaj dziaržavie.
Hramadzianin Biełarusi, jak vynikaje z abnarodavanaha sudovaha rašeńnia, byŭ zatrymany 16 červienia supracoŭnikami Ŭpraŭleńnia Słužby biaśpieki Ŭkrainy ŭ Čarnihaŭskaj vobłaści.
Zhodna z rašeńniem suda, 19 červienia jon pieraviedzieny na ŭtrymańnie ŭ izalatar SBU ŭ Kijevie.
Proźvišča biełarusa pakul nie ŭdakładniajecca. Viadoma tolki, što jon nia žanaty, nidzie nie pracuje, maje na ŭtrymańni baćku-pensijanera, i raniej nie pryciahvaŭsia da kryminalnaj adkaznaści.
U Słužbie biaśpieki Ŭkrainy pakul hetaje zatrymańnie nie kamentujuć. U sudovym rašeńni taksama nie ŭdakładniajecca, jakoj zamiežnaj dziaržavie jon pieradavaŭ sakretnuju infarmacyju, i pad čas jakich abstavinaŭ byŭ zatrymany.
Zaraz tryvaje dasudovaje raśśledavańnie, ale na sudovym pasiadžeńni, kali abirali mieru strymańnia, hramadzianin Biełarusi zajaviŭ, što vykładzienaje śledčym u spravie nie adpaviadaje rečaisnaści i padstavy dla ŭtrymańnia jaho pad vartaj adsutničajuć. Na sudovym pracesie prysutničaŭ pierakładčyk.
Zhodna z zakanadaŭstvam Ukrainy, «pieradača abo zbor z metaj pieradačy zamiežnaj dziaržavie, źviestak, jakija składajuć dziaržaŭnuju tajamnicu, kali hetyja dziejańni ździejśnienyja zamiežnikam abo asobaj biez hramadzianstva» karajucca pazbaŭleńniem voli na termin ad dziesiaci da piatnaccaci hadoŭ z kanfiskacyjaj abo biez kanfiskacyi».
Ciapier čytajuć
Šakujučaja strata hoda, tajamničyja źniknieńni, dykpiki i departacyi — asnoŭnyja ludzi i padziei 2025 hoda3
Kamientary