Kaho abaronić Facebook: biełaha mužčynu ci čornaha chłopčyka? U sieciva trapili sprečnyja praviły maderacyi sacsietki
28 červienia ŭ vydańni ProPublica źjaviłasia raśledavańnie, jakoje vykryła praviły Facebook u dačynieńni da maderacyi «movy varožaści» (hate speech).
Publikacyja zasnavana na dakumientach dla ŭnutranaha karystańnia. Śćviardžajecca, što kampanija zaŭsiody zachoŭvała hetyja dadzienyja ŭ sakrecie, i niekatoryja z hetych pravił źjaŭlajucca vielmi sprečnymi. U pryvatnaści, ProPublica atrymała skrynšot unutranaha testa, u jakim supracoŭnikam prapanoŭvajecca adkazać na pytańnie: «Kaho z pradstaŭlenych padhrup my (Facebook) budziem abaraniać?» Jość try varyjanty adkazu: «žančyny-kiroŭcy», «čornyja dzieci» i «biełyja mužčyny». A pobač staić adznaka, što pravilnym źjaŭlajecca apošni varyjant.
Jak daviedalisia žurnalisty, praviłami Facebook pradpisana abaraniać ad nianaviści «abaronienyja hrupy» i ihnaravać nianaviść u bok inšaj častki nasielnictva.
Takim čynam, źniavaha ŭ bok «radykalnych musulman» budzie adpaviadać praviłam sacsietki, tamu što havorka ŭ dadzienym vypadku idzie pra kankretnuju hrupu asob, a voś źniavaha «biełych ludziej» budzie źjaŭlacca parušeńniem, tamu što takoje zhadvańnie budzie adnosicca da cełaha kłasa.
Redaktar vydańnia The Verge Adzi Robiertsan nazvaŭ hetyja pryncypy «parodyjaj na sapraŭdnyja praviły». Jak jon miarkuje, Facebook u sučasnym vyhladzie nahadvaje aŭtarytarnuju dziaržavu ź nieprazrystymi normami ab tym, što rabić možna, a što — nie.
Taksama ekśpierty krytykujuć sacsietku za toje, što ŭ bolšaści vypadkaŭ karystalniki Facebook navat nie viedajuć pra hetyja praviły, i čałaviek moža navat nie zdahadvacca, za što jaho zabłakavała administracyja.
-
Ehaistyčnaja chramasoma ledź nie vyniščyła ludziej tysiačahodździ tamu. Padobna, jana viarnułasia — u marmonski štat Juta
-
Jak bot sa štučnym intelektam OpenClaw spačatku zachapiŭ śviet, a paśla trapiŭ pad zabarony i byŭ nazvany «kašmaram kibierbiaśpieki»
-
U Biełarusi prydumali, jak rabić žanočyja prakładki z kruchmału
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ25
Kamientary