Jak šmat my ŭsio ž patrabujem ad našaj nacyjanalnaj zbornaj pa futbole. Zdajecca, što zusim niadaŭna jašče abdymalisia paśla šeraj ničyi z datčanami, a siońnia niezadavolenyja takim samym likam z zornymi arhientyncami.
Jak šmat my ŭsio ž patrabujem ad našaj nacyjanalnaj zbornaj pa futbole. Zdajecca, što zusim niadaŭna jašče abdymalisia paśla šeraj ničyi z datčanami, a siońnia niezadavolenyja takim samym likam z zornymi arhientyncami.
Paŭdniovaamerykancy pryjechali ŭ Miensk amal u najmacniejšym składzie. Proźviščy Teviesa ci Dzaneci prymušajuć bicca chutčej sercy miljonaŭ fanataŭ va ŭsim śviecie. Na matčy prysutničaŭ partuhalski trener «Intera» Žoze Muŭryńju, za arhientyncaŭ vystupajuć piaciora jahonych padnačalenych.
Pierad hulnioj la centralnych sektaraŭ stadyjonu prahulvaŭsia ministar unutranych spravaŭ Uładzimier Navumaŭ. Kali kamandy pačali raźminku, to Navumaŭ hladzieŭ za ŭsim praz aharodžu. Mabyć, nie prajšoŭ metaładetektar, žartavali zajaŭziatary. Niahledziačy na ŭsie miery biaśpieki, zaŭziatary, što siadzieli pierad mnoj usio adno zmahli pranieści plašku kańjaku. A voś za paleńnie na stadyjonie amapaŭcy karali dosyć stroha. Raniej da hetaha stavilisia bolš pabłažliva.
Poŭnaha stadyjonu taksama nie było. Dzie‑nidzie na trybunach byli vialiki pustki. Darečy, kvitki zrabili nia samymi tannymi pa biełaruskich mierkach — ad 10 da 50 tysiač, a voś kresły pamyć nie zmahli.
Hulnia ŭ pieršym tajmie adkryta naviavała sum. Kamandy zmahalisia niedzie ŭ centry pola, amal nie pahražajučy varotam adzin adnaho. Tolki na samym kancy pieršaj sarakapiacichvilinki zbornyja razvarušylisia. Asabliva heta było zaŭvažna pa haściach. Spačatku Jury Žaŭnoŭ tytaničnymi namahańniami likvidavaŭ pahrozu paśla zabojnaha ŭdaru Tevesa.
A jašče praz chvilinu navat Jury byŭ biaśsilny niešta zrabić, kali Denis rasstrelvaŭ našy bramy — cudam miač trapiŭ u papiarečynu.
Adziny realny šaniec u biełarusaŭ byŭ u pačatku pieršaha tajmu, kali Bułyha nie pierachitryŭ Karysa.
Heta ŭžo čaćviortaja ničyja zapar kamandy Bernda Štanhie. Nastupny matč užo nie tavaryski. 6 vieraśnia ŭ Lvovie z ukraincami startujem u adboračnym turniry da čempijanatu śvietu.
Zdymak gazetaby.com
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB1
Kamientary