Biełaruskija śledčyja prakamientavali śmierć Kajła Tefieła — amierykanskaha vajskoŭca, jaki razam sa svajakami naviedaŭ Minsk u červieni.
Nahadiem, što Kajł Tejfeł zahinuŭ u noč na 13 červienia ŭ Minsku. Mierkavałasia, što jon vypaŭ z akna 10 paviercha haścinicy «Jubilejnaja». Cieła jaho znajšli na dachu bara hatelnaha kompleksa.
«Padčas ahladu i praviadzieńnia pravieračnych mierapryjemstvaŭ vyśvietliłasia, što adzin z pastajalcaŭ haścinicy vylez praz akno numary na vulicu (bałkon adsutničaŭ), paśla čaho zvaliŭsia z parapieta 10 paviercha. Śledčyja apytali ŭvieś piersanał haściničnaha kompleksu, jaki pracavaŭ u nazvanyja sutki. Dla pracesualnych dziejańniaŭ sa svajakami zahinułaha pryciahvaŭsia pierakładčyk. Usie pakazańni dałučanyja da materyjałaŭ pravierki, — paviedamili śledčyja. — Pa papiarednich dadzienych ekśpierta HKSE, śmierć mužčyny nastupiła ŭ vyniku traŭmaŭ, charakternych dla padzieńnia z vyšyni, inšych paškodžańniaŭ nie vyjaŭlena.
Atrymanaja śledstvam infarmacyja dazvalaje kazać ab tym, što hibiel mužčyny nie ŭtrymlivaje prykmiet kryminalnaha charaktaru i źjaŭlajecca niaščasnym vypadkam».
Kamientary