Zapusk novaj sietki znachodzicca na stadyi kančatkovaha farmiravańnia supracoŭnikaŭ, pra što śviedčać apublikavanyja vakansii na sajcie «Praca dla vas».
Jak vyśvietliŭ belretail.by, ZAT «Junifud», jakoje vałodaje sietkaj supiermarkietaŭ «Ałmi», užo dastatkova daŭno nabyło franšyzu Spar. Mienavita pa takoj madeli Spar pracuje va ŭsich krainach svajoj prysutnaści.
Spar — niderłandskaja sietka mahazinaŭ-supiermarkietaŭ sa štab-kvateraj u Amsterdamie. Ujaŭlaje saboj zakupačny kaapieratyŭ — roźničnyja handlary hrupujucca pad adzinym brendam z metaj atrymańnia najbolš vyhadnych umoŭ ad pastaŭščykoŭ.
Pavodle infarmacyi belretail.by, ZAT «Junifud» častku svaich kramaŭ pierafarmatuje pad standarty Spar, a častka zastaniecca pad markaj «Ałmi».
Kampanija «Junifud» nie kamientuje dadzienuju situacyju. Aficyjnaja infarmacyja na hetuju temu źjavicca ŭ najbližejšy čas.
Spar abjadnoŭvaje pad svajoj šyldaj bolš za 15 000 kram u 34 krainach śvietu (u asnoŭnym krainy Jeŭropy, ale taksama i PAR, Aŭstralija, Arhiencina).
Ahulny tavarazvarot sietki — bolš za €27 miljardaŭ na hod.
Ciapier čytajuć
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary