Dziaržduma Rasii zaćvierdziła tekst prysiahi dla atrymańnia rasijskaha hramadzianstva, jakaja abaviazvaje «abaraniać svabodu i niezaležnaść RF». Jak pieradaje UNIAN, pryniasieńnie prysiahi abaviazkovaje dla tych, chto žadaje stać hramadzianami Rasii i dasiahnuŭ 18-hadovaha ŭzrostu.
Nad tekstam prysiahi z pačatku červienia pracavała hrupa deputataŭ, vynikovy dakumient padtrymali kiraŭniki ŭsich frakcyj. Tekst prysiahi unosicca ŭ vyhladzie papraŭki da druhoha čytańnia zakonaprajekta, u jakim havorka idzie ab admienie rašeńniaŭ ab nabyćci rasijskaha hramadzianstva asobami, jakija atrymali jaho pa padroblenych dakumientach abo z metaj ździajśnieńnia złačynstva ekstremisckaha abo terarystyčnaha charaktaru.
«Ja, (proźvišča, imia), dobraachvotna i śviadoma prymajučy hramadzianstva RF, klanusia vykonvać Kanstytucyju i zakanadaŭstva RF, pravy i svabody jaje hramadzian, vykonvać abaviazki hramadzianina RF na karyść dziaržavy i hramadstva, baranić svabodu i niezaležnaść RF, być viernym Rasii, pavažać jaje kulturu, historyju i tradycyi», — havorycca ŭ tekście prysiahi.
Jak paviedamiŭ kiraŭnik kamiteta Dziarždumy pa dziaržbudaŭnictvie i zakanadaŭstvu Pavieł Krašeńnikaŭ, pašpart hramadzianina RF budzie vydavacca adrazu paśla pryniasieńnia prysiahi. «Vielmi važna, što sama prysiaha budzie mieć jurydyčny charaktar, jaje pryniasieńnie budzie prachodzić va ŭračystaj abstanoŭcy», — skazaŭ jon.
Pracedura pryniasieńnia prysiahi budzie rehłamientavacca ukazam prezidenta RF.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio28
Kamientary