52-hadovy žychar Maładziečanskaha rajona viartaŭsia z kramy, kali da jaho padyšli znajomyja i paprasili padzialicca vypiŭkaj albo pazyčyć hrošaj na śpirtnoje. Toj admoviŭ i paśpiašaŭsia dadomu.
Troje mužčyn spačatku vykrykvali pahrozy, a paśla vyrašyli dziejničać. Praź niekalki hadzinaŭ jany ŭłamilisia ŭ chatu «skvapnaha» viaskoŭca.
«Złamyśniki paškodzili ŭvachodnyja dźviery, vybili vokny, pranikli ŭ dom i źbili haspadara», — raspavioŭ načalnik kryminalnaha vyšuku Maładziečanskaha RAUS Andrej Mialuk.
Źbićcio, u tym liku z vykarystańniem padručnych pradmietaŭ, skončyłasia šmatlikimi pierałomami kaściej tvara, udaram hrudnoj kletki i śpiny.
Pa słovach paciarpiełaha, niaprošanyja hości taksama zabrali ŭ jaho muzyčnyja kałonki, hadzińnik i pačak makarony, pryčyniŭšy škodu na 50 rubloŭ.
Padazravanych znajšli pa haračych śladach i zatrymali. U dačynieńni da ich raspačata kryminalnaja sprava za asabliva złosnaje chulihanstva, sankcyja jakoj praduhledžvaje pakarańnie da 10 hadoŭ pazbaŭleńnia voli.
Kamientary