Ułady Vialikabrytanii z 2037 hoda padvysiać piensijny ŭzrost da 68 hadoŭ. Pra heta zajaviŭ ministr pracy i piensij Devid Hoŭk, paviedamlajuć infarmahienctvy sa spasyłkaj na The Telegraph.
«Pa miery taho, jak siaredniaja praciahłaść žyćcia praciahvaje raści i kolkaść ludziej, jakija atrymlivajuć dziaržaŭnuju piensiju, pavialičvajecca, nam treba być upeŭnienymi ŭ tym, što my majem spraviadlivaj i nadziejnaj sistemaj, jakaja adlustroŭvaje sučasnaje žyćcio i jakaja pracuje dla budučych pakaleńniaŭ», — zajaviŭ Hoŭk, vystupajučy ŭ parłamiencie.
Da hetaha pravieści pavyšeńnie piensijnaha ŭzrostu płanavałasia na siem hadoŭ paźniej, adnak ciapier ministr zajaviŭ, što pierachod da novych pravił pačniecca ŭ pieryjad z 2037 pa 2039 hod.
Jak piša The Guardian, u 2013 hodzie ŭrad Vialikabrytanii vyrašyŭ u dalejšym pastupova pavialičvać piensijny ŭzrost u adpaviednaści z čakanaj praciahłaściu žyćcia. Tady ŭłady patłumačyli heta namieram praduchilić rastučyja ŭ suviazi z hetym vydatki.
Kamientary